Albistea entzun

Koronabirusa

«Planto» egin dute, umeek eskolan maskararik ez erabiltzea eskatzeko

Eserialdiak egin dituzte hainbat gurasok gaur arratsaldean eskoletako atarietan, protesta egiteko: «Ez dugu haurretan maskararen derrigorrezko erabilera onartzen»

«Planto» egin dute, umeek eskolan maskararik ez erabiltzea eskatzeko
«Planto» egin dute, umeek eskolan maskararik ez erabiltzea eskatzeko Tamaina handiagoan ikusi

Arantxa Iraola -

2021eko urriak 18

Haurrak Ere Bai familien sareak «planto egiteko» deia egina zuen gaurko, LH Lehen Hezkuntzan umeek eskolan maskararik ez erabiltzea eskatzeko. Horiek horrela, gaur arratsaldean, haurrak eskolatik irteteko orduan, eserialdiak egin dituzte hainbat ikastetxetako atarietan. Hego Euskal Herriko hainbat zentrotan izan dira protestak; besteak beste, Donostian, Lekeition eta Iruñean.

Gogora ekarri dute aspaldiko eskea dutela maskararen ingurukoa, orokorra dela eskaera, baina nabarmendu dute bereziki kritikoak direla Eusko Jaurlaritzako Hezkuntza Sailak eskoletarako prestatu duen azken protokoloarekin. «Azken hezkuntza protokoloaren ostean, zur eta lur gaude; ez diogu zentzurik ikusten 6-12 urte bitarteko haurrek aire zabalean maskara jantzita egon beharraren argudioari, haurrak herriko parkeetan eta plazetan maskararik gabe baitabiltza».

«Argi utzi nahi dugu ekintza ikastetxeetan egitea proposatu dugula guraso zein hezkuntzako profesionalak antolatu, batu eta aktibatzeko helburuarekin, hezkuntza komunitatearen parte garen heinean hitza eta erabakietan parte hartzeko gaitasuna ditugula gogoratzeko», adierazi zuten lehengo astean ekintzaren berri emateko plazaratu zuten oharrean: «Denok gara gure haurren ongizatearen arduradun».

Salatu dute umeen beharrak ez direla aintzat hartzen: «Haien garapenari dagozkion beharrak kontuan hartu gabe hartzen dira erabakiak. Hau bukatu beharra daukagu».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Askotariko ostadarrekin egin zuten manifestazioa atzo Bilbon. ©MARISOL RAMIREZ / FOKU

Transfobiaren aurka irten dira kalera, harrotasuna aldarrikatuz

Uxue Rey Gorraiz Javi West Larrañaga

LGTBI Komunitatearen Nazioarteko Egunean, mobilizazio jendetsuak izan dira hainbat lekutan. LGTBIfobiaren aurkako eta sexu eta genero askatasunaren aldeko aldarriek hartu dituzte karrikak
 ©BERRIA

«Pertsona asko ez dira intersexual gisa identifikatzen»

Jone Arruabarrena

Gomezek azaldu du intersexualitatearen inguruko ezjakintasunak eta arau binariora egokitu beharrak patologizatu egiten dutela kolektibo hori: «Protokolo normalizatzaileak aplikatzen zaizkie».
Transfobiaren aurkako protesta, LGTBI Komunitatearen Eguneko manifestazioan, Gasteizen. ©JAIZKI FONTANEDA / FOKU

Argi-ilunak transen eskubideen aitortzan

Ion Orzaiz

Hego Euskal Herriko trans kolektibo eta eragileen arabera, Espainiako Ministroen Kontseiluak herenegun onartutako lege proposamena «pauso bat» da despatologizazioaren bidean, baina gabezia handiak ditu, batez ere adingabeen alorrean.
Yasmine Khris Labako kidea, Mikel Azkarate Lau Haizetarakoa eta Iban Arantzabal Tokikomeko lehendakaria, atzo, Donostiako Miramarren. ©ANDONI CANELLADA / FOKU

Aldarrikatu bainoago, egin

Julen Aperribai

Herrigintzan eta balio eraldatzaileetan sustraitutako euskalgintza baten alde egin dute Donostian, adibidetzat hartuta Laba espazioa, Lau Haizetara euskara elkartea eta Tokikom hedabideen sarea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...