Albistea entzun

Brasil

Brasilen bi polizia inputatu dituzte, 28 hildako eragin zituen operazio batean «modu irregularrean» jokatzeagatik

Joan den maiatzean Rio de Janeiroko Jacarezinho favelan egin zuten operazio batean hil zituzten herritarrak. Operazio harekin lotutako lehen prozesu judiziala da.

Herritarrak protestan Rioko Jacarezinho favelan, joan den maiatzean.
Herritarrak protestan Rioko Jacarezinho favelan, joan den maiatzean. Andre Coelho / EFE Tamaina handiagoan ikusi

Paulo Ostolaza -

2021eko urriak 19 12:52

Rio de Janeiroko (Brasil) Jacarezinho favelan 28 hildako eragin zituen operazioan «modu irregularrean jokatzea»: hori egotzi die Brasilgo epaitegi batek han parte hartu zuten bi polizia agenteri, fiskaltzak jarritako salaketa bat kontuan hartuta.

G1 albiste agentziaren arabera, «Rio de Janeiroren historiako polizia operaziorik odoltsuenetako bat» izan zen joan den maiatzean egindakoa. Besteak beste, eta salaketak dioenez, inputatutako poliziek etxe batean zaurituta eta armarik gabe zegoen gizon bat hil zuten. Horren ostean, gainera, hilotza ezkutatu zuten Poliziako adituak heldu aurretik, eta esan zuten pistola bat, kargagailu bat eta granada bat zituela hildakoak.

Operazioa droga trafikoaren aurkakoa zen. 21 lagunen bila sartu zen Polizia, baina zerrenda horretako hiru soilik atxilotu zituen, eta beste hiru hil. Hildakoen artean, gutxienez hamahiruk ez zuten ikerketarekin zerikusirik, eta agente bat ere hil zen. Poliziak, ordea, esan zuen hildako 27tatik 26k aurrekariak zituztela.

Gaur iragarritakoa da Jacarezinhoko operazioarekin lotutako lehen prozesu judiziala, eta Elizabeth Machado epaileak agindu du aipatutako hilketa ikertzeko.

Orrialde beltza

Giza Eskubideen Aldeko Koalizio Beltzak azaldu duenez, maiatzekoa «Brasilgo kale indarkeriaren historiako orrialderik beltzenetako bat» izan zen: «Estatuak bizitzak eta bizipenak suntsitu zituen, legeak biltzen dituen eskubideetako bat bera ere errespetatu gabe», adierazi dute komunikatu batean. Horretaz gain, gogorarazi dute legez kanpokoa izan zela polizia operazioa, pandemian zehar halako ekintzak egitea debekatu baitzuen Brasilgo Auzitegi Gorenak.

Hilketak nazioartean ere izan zuen oihartzuna, eta, besteak beste, NBE Nazio Batuen Erakundeak ere gaitzetsi zuen Poliziaren jokabidea. Rio de Janeiron, berriz, manifestazio jendetsuak egin zituzten Jair Bolsonaroren gobernuaren aurka eta Poliziaren arrazakeriaren kontra.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Dnipropetrovsk eskualdeko Marhanets hirian eraikin baten irudia, herenegungo bonbardaketaren ondoren. ©EFE

Hamahiru lagun hil dira Ukraina ekialdeko bonbardaketetan

Zuriñe Iglesias Sarasola

Eremu hondatua Zaporizhiako zentral nuklearretik hogei kilometrora dago. Energia Atomikoaren Nazioarteko Agentziak esan du ez dagoela berehalako mehatxu nuklearrik

Eskoziaren independentziaren aldeko hainbat ekitaldi egin dira urteotan. Irudian, 2018ko abuztuan Glasgown eginikoa; 35.000 herritarrek parte hartu zuten. ©EFE
 ©NOS DIARIO

«BNG izan liteke PPren alternatiba 2024ko hauteskundeetan»

Maria Obelleiro

'Nos Diario'-ri emandako elkarrizketan, Galiziako estatutuak Xuntari eta Parlamentuari ematen dizkien ahalak eta eskumenak «barrendik hustu» izana egotzi dio Beiras buruzagi nazionalistak Feijoori.
Martxo bukaeran 1.200 metro koadroko izotz plaka bat askatu zen Antartika ekialdean, eta icebergetan zatitu. ©NASA

Antartikako izotza salbatzeko, garaiz da, baina azken aukera izan liteke, zientzialarien arabera

Mikel P. Ansa

Batez besteko tenperatura bi gradu igoko balitz, munduko izotz geruzarik handiena urtzeko prozesua bizkortu egingo litzateke, eta horrek itsasoaren maila hazaraziko luke: bost metro ere haz liteke 2500erako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.