Albistea entzun

Indarkeria matxista

Zumaiako mugimendu feministak sexu eraso bat salatu du

Nafarroako Probintzia Auzitegiak hiru urte eta sei hilabeteko kartzela zigorra jarri dio gizon bati, bikotekide ohiari aizto batekin mehatxu egiteagatik.

Eraso matxistak salatzeo manifestazio bat, Zumaian, atxiboko irudian
Eraso matxistak salatzeo manifestazio bat, Zumaian, atxiboko irudian andoni canellada / foku Tamaina handiagoan ikusi

Irati Urdalleta Lete -

2021eko urriak 19

Zumaiako (Gipuzkoa) mugimendu feministak jakinarazi duenez, herrian sexu eraso bat gertatu zen larunbatean. Baleike hedabidearen arabera, ohar bidez azaldu dute taberna batean gertatu zela erasoa. Erasoa jasan zuen emakumeak gizonari esan zion inguruko emakumeak deseroso sentiarazten ari zela, «emakumeengandik gertu jarriz, enbarazu egiten ari zela esaten ziotenei begirada eta jarrera desafiatzailarekin erantzunez, eta, kasu batzuetan, emakumeen gorputzari buruzko bere iritziak botaz».

Oharrean jaso dutenez, bakean uzteko eskatu zion emakumeak, eta gizonak «modu larderiatsuan, jarrera oldarkorrez eta inpunitate sentimendu osoarekin» erantzun zuen. Orduan, adierazi dutenez, emakumeari galtzak jaitsi, eta ukituak egin zizkion taberna erdian. Emakumeak erasoari erantzun zion, eta gizona kalera bota zuten. Emakumeak salaketa jarri zuen Ertzaintzan. Erasoa arbuiatzeko asmoz, mugimendu feministak manifestazioa antolatu du biharko, Zumaiako Beheko plazatik abiatuta, 19:30ean.

Hiru urte eta sei hilabeteko zigorra

Nafarroako Probintzia Auzitegiak hiru urteko eta sei hilabeteko espetxe zigorra ezarri dio gizon bati, bikotekide ohiari aizto batekin heriotza mehatxuak egiteagatik. Gainera, ezingo da harengana gerturatu lau urtean, ezta emakumearekin komunikatu ere. Defentsak, biktimak eta fiskalak zigorraren inguruko akordioa lortu dute.

Gizona taberna batera joan zen 2020ko otsailaren 8an, eta konturatu zen bikotekide ohia bertan zegoela. Debekatuta zeukan biktimarengana gerturatzea edo harekin komunikatzea, baina bertan geratu zen. Biek elkarrizketa bat izan zuten, baina banatu egin ziren gero. Emakumea beste pertsona batekin atera zen tabernatik, eta itzuli zenean irainka hasi zitzaion gizona. Liskar bat izan zuten, eta beste pertsona batek banatu behar izan zituen. Gizonak aizto bat zeramala konturatu zen herritar hori; tabernatik aterarazi zuen, eta handik 150 metrora zegoen zuhaitz batean utzi zuen aiztoa pertsona horrek. Berriz tabernara itzuli zen erasotzailea, emakumea iraintzen hasi zen, eta hil egingo zuela esan zion. Ondoren, zuhaitzera joan zen, handik aiztoa hartu, eta emakumeari esan zion lepoa moztuko ziola. Bertan zeuden herritarrek geldiarazi egin zuten.

Biktima izan diren emakumeentzako arreta zerbitzua

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jatetxe bateko zerbitzaria, atzo, Donostian, bi bezeroren COVID ziurtagiriak egiaztatzen. ©JON URBE / FOKU

Ostalariek ez dute polizia (ere) izan nahi

Maddi Ane Txoperena Iribarren Ane Eslava

Atzotik, Euskal Herri osoan da indarrean COVID ziurtagiria. Araba, Bizkai eta Gipuzkoako 50 lagunetik goitiko jatetxeetako langile eta bezeroek egun batetik bertzera egokitu behar izan dute neurrira
Otxarkoagako bizilagunak, protesta batean, asteartean. / ©Aritz Loiola, Foku

Betiko zerbitzua gura dute Otxarkoagan

Ibai Maruri Bilbao, Bizkaiko Hitza

Kutxabankek astean egun bitara murriztu du Bilboko Otxarkoaga auzoan dagoen bulego bakarreko leihatila zerbitzua. Bizilagunek protestak hasi dituzte. Bankuek, oro har, Bizkaian, bulegoen %45 itxi dituzte azken hamabi urteetan. Kutxabankek dio erabilera gutxitu delako hartu dutela erabakia.

Miren Basaras. / ©Aritz Loiola, Foku

«Pandemiak loa galarazi dit niri ere»

Ibai Maruri Bilbao, Bizkaiko Hitza

Miren Basarasek esan du txertoak «oso onak» izan arren, transmisioa eteteko neurriak ezinbestekoak direla. Uste du askatasunaren izenean txertoari uko egiten diotenak «berekoiak» direla.

Donostiako Antigua Auzoko Osakidetzako osasun zentroa. ©GORKA RUBIO / FOKU

«Ezin dugu martxa honetan segitu»

Oihane Puertas Ramirez

Lehen mailako arretako langileek salatu dute baliabideak falta zaizkiela. COVID-19a dela eta, osasun etxeetako lan karga «izugarri» handitu zaie, eta «gainezka» daudela sentitzen dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.