Albistea entzun

Koronabirusa

«Transmitigarriagoa» izateko zantzuak dituen birus aldaera batez ohartarazi dute Erresuma Batuan

Delta aldaeratik eratorritako beste aldaera bat dela adierazi dute; OMEk ez du oraindik sartu COVID-19a eragiten duten aldaeren zerrendan

«Transmitigarriagoa» izateko zantzuak dituen birus aldaera batez ohartarazi dute Erresuma Batuan
«Transmitigarriagoa» izateko zantzuak dituen birus aldaera batez ohartarazi dute Erresuma Batuan Tamaina handiagoan ikusi

Arantxa Iraola -

2021eko urriak 20

Erresuma Batutik heldu da albistea: gobernuko ordezkariek adierazi dute «gertutik» ari direla aztertzen SARS-CoV-2 koronabirusaren aldaera berri bat, aurrekoak baino «transmitigarriagoa» izateko zantzuak dituena. Delta aldaeratik eratorritakoa dela esan dute, eta hura baino %10-15 errazago transmititzen den susmoa dutela. Aintzat hartu behar da delta aldaerak asko korapilatu duela izurriaren eboluzioa: jatorrizko birusa baino bi aldiz kutsakorragoa da.

AY.4.2 izena jarri diote adituek ikertzen ari diren aldaerari. Erresuma Batuko kasuen %10 inguru birusaren aldaera horrek eragindakoak direla ondorioztatu dute. Esan dute oso bizkor zabaltzen ari dela, baina ez delta urte hasieran zabaldu zen bezain azkar.

Birusaren aldaera hori aztertzeko egindako ikerketetan ikusi dute bereizgarri dituela S proteinan dituen bi mutazio, eta uste dute horrek irauteko abantailak ematen dizkiola. Nolanahi ere, adierazi dute oraindik ezin dela aldaera honen benetako eraginari buruzko ondorio behin betikorik atera. Birus horren inguruan ikusi duten transmisio igoera «ezustezko gertaera demografiko» baten ondorioa ere izan daitekeela onartu dute dute.

OMEk oraindik ez du COVID-19a eragiten duten aldaeren zerrendan sartu. Hori egitea erabakitzen badu, alfabeto grekoaren araberako izen bat jarriko dio, aurrekoekin egin duen eran.

Francois Balloux aditua izan da argibideak eman dituen ikertzaileetako bat. Aldaera hau «transmitigarriagoa» izan daitekeen arren, aurretik ikusitako moduko «desastrerik» ez duela eragingo adierazi du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Adineko egoitza bat ©Gorka Rubio/ Foku

Araba, Bizkai eta Gipuzkoako zahar etxeetako neurri batzuk arindu dituzte

Edurne Begiristain

Positibo ematen duten egoiliarren bakartze aldia zazpi egunera murriztu dute, eta txertatutako kontaktu estuak eguneko zentroetara joan ahalko dira.

Korrikaren lekukoak badu nondik nora ibili

Korrikaren lekukoak badu nondik nora ibili

Julen Aperribai

Korrikaren ibilbidearen berri eman dute: Mendebaldean hasiko da, eta Gasteiz izango da igaroko duen lehen hiriburua. 2.180 kilometro eginda, Donostiara iritsiko da lasterketa. Ikusi egunez eguneko ibilbidea eta ordutegia albiste barruan.

Iruñeko kartzela ©Idoia Zabaleta/ Foku

Iruñeko espetxean berrogei preso kutsatu dira, eta ziegan bakartu dituzte

Berria

Bisitak bertan behera utzi dituzte agerraldia izan den moduluan.

Sara Pinaren hilketa matxista salatzeko elkarretaratzea egin zuten Tuteran. ©Iñigo Uriz/ Foku

Urtarrilaren 25ean estraditatuko dute Sara Pinaren gizona

Unai Etxenausia

Gizonak hurrengo egunean deklaratu beharko du epailearen aurrean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.