Albistea entzun

Martin Ugalderen mendeurrena

Martin Ugalde, 'Euskaldunon Egunkaria'-ren babes eta hauspo

Iñaki Uriak Martin Ugalde eta Egunkaria hitzaldia eman du gaur, 19:00etan. BERRIAren webgunean izan da ikusgai, streaming bidez.

Berria -

2021eko urriak 21 09:28

Martin Ugalde kazetari eta idazlea jaio zela 100 urte beteko dira hemendik hiru astera, azaroaren 11n. Hura gogoratzeko, urte osorako programa dago martxan, kazetariaren familiarekin eta hainbat erakunde eta eragilerekin elkarlanean: tartean dira Eusko Jaurlaritza, Gipuzkoako Foru Aldundia, Andoaingo Udala, Hondarribiko Udala, Jakin, Euskal Idazleen Elkartea, Elkar, BERRIA eta Martin Ugalde kultur parkea.

Ugalde omentzea helburu, joan den astean lotu zitzaion bideari hari buruzko hitzaldi zikloa. Nerea Azurmendik Martin Ugalde, historia egin zuen kazetaria hitzaldia eman zuen, eta Ugalderen kazetaritza lanaren joritasuna nabarmendu zuen, besteak beste. Gaur, berriz, Iñaki Uriak hartu dio lekukoa Azurmendiri, eta Martin Ugalde eta Egunkaria hitzaldia eman du. Lehenbiziko hitzaldiaren antzera, Martin Ugalde kultur parkean izan da gaurkoa ere. 19:00etan ekin diote, eta Internet bidez izan da ikusgai berria.eus webgunean.

Euskaldunon Egunkariaren sorrerari egin dio so Uriak hizketaldiaren hasieran, eta, era berean, gogorarazi nola bizi izan zituen Martin Ugaldek lehenbiziko urrats horiek guztiak. «Egunkari txikia, ahula, zaratatsua, liskartsua, bai. Baina baita munduko euskarazko egunkaririk ederrena ere», azaldu du Uriak. Nabarmendu duenez, Ugaldek egunkari bat izateko premia irmo babesten zuen hasieratik. Are gehiago, Uriaren esanetan, urteetan sumatu zitzaion sorrera horrekiko grina. «Martin Ugalderi tokatu zitzaion Egunkariaren itxiera bizitzea, baina igartzen zitzaion hasieran ere han zegoela», azaldu du.

Datozen ekitaldiak

Hurrengo hitzaldia urriaren 28an izanen da. Euskal PENeko Laura Mintegi arituko da hizketan: Martin Ugalderen garaia PENen begiradatik.

Eta azaroaren 4an, Anjeles Iztueta arituko da: Martin Ugalde eta politika.

Hitzaldiez gainera, udaberritik, kazetariaren inguruko erakusketa egon da ikusgai Hondarribian (Gipuzkoa) eta Donostiako Koldo Mitxelenan, eta abenduaren 4ra arte bisitatu ahalko da Andoaingo Bastero kulturgunean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritar batzuk paseoan, Iruñean ©Iñigo uriz / FOKU

Beste 655 kasu atzeman dituzte Nafarroan, pandemiako bigarren daturik txarrena

Irati Urdalleta Lete

COVID-19a atzemateko egindako proben %16k positibo eman dute Nafarroan. 124 gaixo daude Osasunbideko ospitaleetan.

Miarritzeko aireportuaren artxiboko argazkia ©Isabelle Miqulestorena

Etxegabe batena da Miarritzen aurkitutako giza eskeletoa

Berria

Orain dela urte batekoa litzateke heriotza lehen ikerketen arabera. Ez dute uste krimen bat izan denik

Baionako txertaketa gunea, artxiboko irudi batean. ©GUILLAUME FAUVEAU

Txertaketa guneetan kezka piztu da, Pfizer dosiak agortzen ari baitira

Oihana Teyseyre Koskarat

Eskualdeko Osasun Agentziak hobetsi du Moderna txertoak banatzea. Baionako guneko langileek lana uzteko eskubidea aldarrikatu dute

Bi pertsona Osakidetzaren osasun zentro batetik ateratzen, Donostian. ©GORKA RUBIO / FOKU

Lehen mailako artako kontsultak atzeratuko ditu Osakidetzak

Arantxa Iraola Irati urdalleta Lete

«Aparteko larritasunik ez duten» kontsultak atzeratuko ditu osasun sistemak; bihotzeko eritasunak eta bronkitis kronikoa dutenen kontrolak. Osakidetzak abisatuko die kontsulta atzeratu dietenei

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.