Albistea entzun

Ezbeharra

Alec Baldwin aktoreak grabatzen ari ziren filmeko argazki zuzendaria hil du, istripuz

Filmerako erabiltzen ari zen pistola batekin tiro egin du Baldwinek, baina benetako bala bat zuen, antza. Filmaren zuzendaria zaurituta dago.

Alec Baldwin, 2018ko argazki batean.
Alec Baldwin, 2018ko argazki batean. Justin Line / EFE Tamaina handiagoan ikusi

Berria -

2021eko urriak 22

Emakume bat hil da Rust filmaren grabazioan, eta gizonezko bat zauritu, AEBetako Mexiko Berrian. Alec Baldwin aktoreak tiro egin du filmerako erabiltzen ari zen pistola batekin, gezurrezko balekin kargaturik zegoelakoan. Alta, baletako bat egiazkoa zen. Hildakoa filmeko argazki zuzendaria da.

Filma XIX. mendean giroturiko western bat da, eta Bonanza Creek etxaldean ari ziren filmatzen. Hainbat film egin dituzte leku horretan.

Halyna Hutchins 42 urteko argazki zuzendaria helikopteroan eraman dute erietxera, baina hil egin da. Joel Souza 48 urteko zuzendaria larrialdietara eraman dute.

Poliziak esan duenez, ez dute aktorearen kontrako salaketarik egin; beraz, istriputzat hartu dute gertaera.

Hutchings 2020ko Archenemy akziozko filmeko argazki zuzendaria izan zen, eta beste hainbat filmetan ere aritu da lanean.

Sare sozialetako hainbat erabiltzaileek ustez ezbeharraren ostekoak diren argazkiak zabaldu dituzte.

Lehen ere gertatu dira halakoak filmaketetan. Film askotan benetako pistolak erabiltzen dituzte, baina balarik ez duten kartutxoak jarrita: zarata eta kea besterik ez dute sortzen. Brandon Lee 28 urteko aktorea ere hala hil zen, 1993. urtean, The Crow filmaren grabazioan. Ikerketan ondorioztatu zutenez, balarik gabeko kartutxo batekin egin zioten tiro Leeri, baina pistolaren barruan aurretik benetako balekin eginiko probetan geratua zen bala bultzatu zuen horrek. Filma amaitzeko, haren antza zuen aktore bat erabili behar izan zuten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bisitariak salmahaietako batean, atzo, Durangoko 56. Azokan. ©GORKA RUBIO / FOKU

Ezohiko azoka baten neurrian

Ainhoa Sarasola

Durangoko 56. Azokaren «balorazio positiboa» egin dute antolatzaileek. Landakon orotara 25.000 lagunetik gora bildu direla adierazi dute, eta kulturazaleen ardura txalotu. Salmentetan izan da alderik

Oskia Ugarte Abarzuza (Uharte zentroa), Sahatsa Jauregi Azkarate (Okela), Maria Mur Dean (Conssoni) eta Diana Franco (Kabia), atzo. ©GORKA RUBIO / FOKU

Ekoizpen digitalaren markak

Itziar Ugarte Irizar

Oskia Ugarte, Sahatsa Jauregi eta Maria Mur sorkuntza digitalaren inguruan aritu dira, Kabia gunean. Edozein egileren lana prisma horretatik harago begiratzearen alde egin dute
Ekhiotz Prieto eta Urko Peral, atzo, <em>Atarian.eus</em> plataformaren aurkezpen ekitaldian. ©GORKA RUBIO / FOKU

Eszena babesteko aterpe bat

Andoni Imaz

'Atarian.eus' guneak musika bideoak era «jasangarrian» emateko asmoa du, harpidetzen bidez

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.