Albistea entzun

Sortuk dio kontuan hartzen dituela «fede onez» eginiko eskaerak

Arkaitz Rodriguezek azaldu du ezker abertzaleak «bere esku dagoena» egingo duela biktimen eskaerei erantzuteko.

Arkaitz Rodriguez, Radio Euskadin, gaur goizean.
Arkaitz Rodriguez, Radio Euskadin, gaur goizean. @Boulevardeitb Tamaina handiagoan ikusi

Iosu Alberdi -

2021eko urriak 22 09:43

Ezkerreko independentismoak «bere esku dagoena» egingo du ETAren biktimen eskaerak asetzeko, eta, euskal presoen harrera ekitaldien kasuan, jarrera ez da «ezberdina» izango. Hala azaldu du Sortuko idazkari nagusi Arkaitz Rodriguezek. Haren hitzetan, «zubiak eraikitzea» da helburua, «aurrera egiteko».

Rodriguezek Radio Euskadin azaldu du ezker abertzalea biktimen sufrimendua arintzeko lanean aritu dela azken hamar urteetan, eta horren adibidetzat jo du Urriaren 18ko Adierazpena. Hala, azken egunetan esandakoen bide beretik, nabarmendu du kontuan hartzen ari direla «jarrera eraikitzailearekin eta fede onez» egindako eskaerak: «Ziurtatu dezaket ezkerreko independentismoa ez dela albo batean geratuko eta ez dela soraio izango eskaera horiekiko. Bere esku dagoena egiten saiatuko da eskaerak asetzeko». Testuinguru horretan, aipatu du gaiaz hausnartzen ari direla.

Hainbat alderdik eginiko «autokritika» eskaeren aurrean, berriz, Sortuko idazkari nagusiak azaldu du horretarako prest dagoela, eta hala egin duela azken urteetan: «Ezker abertzaleak bere unean egin zuen imajina daitekeen autokritikarik handiena: ETAren indarkeria euskal politikaren ekuaziotik kanpo uztea izan zen». Halere, uste du hainbat eragilerentzat sekula ez direla nahikoa izango eman ditzaketen pausoak: «Sinpleki, ez dutelako nahi hala izatea».

Asteleheneko adierazpenaren inguruan, Rodriguezek uste du herritarren artean «alaitasun orokor bat» eragin duela, eta horren lekuko direla «eragileen gehiengo handi baten» erantzunak. Kontrakoa adierazi dutenei, berriz, haserre horren arrazoiak plazaratzeko eskatu die, «ulertezintzat» jo baitu haien jarrera. Tartean daude EAJ eta Eusko Jaurlaritzako lehendakari Iñigo Urkullu. Haiei dagokionez, Sortuko idazkari nagusiak azaldu du ez zaiola «buruan sartzen» nola egin dezaketen bat PPrekin, Ciudadanosekin eta Voxekin, «bakea eta elkarbizitza eraikitzeko oztopoak jartzen dizkietenekin».

Izan ere, Sortuko buruaren hitzetan, adierazpenaren «zintzotasuna» zalantzan jarri dutenak ETAren behin-betiko su-etena, armagabetzea eta disoluzioa dudan jarri zituzten berberak dira. «Gizarteak aurrera egin nahi du, elkarbizitza demokratiko bat, eta bake egonkor eta iraunkor bat eraiki nahi du. Ez genioke faborerik egingo herriari bakearen etsaien agenda elikatuko bagenu», gehitu du. Hala nola azken egunak «EH Bilduri, baina baita PSEri, EAJri eta [Espainiako presidente Pedro] Sanchezen gobernuari erasotzeko» erabili izana leporatu dio PPri.

Aurrekontuen eztabaida

EH Bilduko koordinatzaile Arnaldo Otegik koalizioko militanteen aurrean eginiko hitzei erreferentzia eginez, Rodriguezek esan du ez duela «burbuila elikatzen» lagundu nahi. «Inor ez du harrituko EH Bilduk bere lehentasunen artean izateak salbuespenezko espetxe politikaren amaiera», azaldu du. Hura oinarrizkotzat jo du elkarbizitza eraikitzeko, eta herritarren gehiengoak babesten duen zerbait dela gehitu.

Halere, adierazi du EH Bilduk ez duela asmorik Espainiako aurrekontu orokorrak presoen etorkizunarekin nahasteko, «ezta hipotesi gisa ere». Haren hitzetan, «giza eskubideekiko errespetua» ez litzateke negoziazio parlamentarioarekin lotu beharko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zazpi alkateak, gaur goizeko agerraldian. ©EH BILDU

EH Bilduko alkateek txosten bat eskatuko dute Ingurumen Administrazioko Legeak udalen eskumenetan izango duen eraginaz

Jone Arruabarrena

EAJ eta PSEri leporatu diete «demokraziaren kontrako erasoa» dela legeari egin nahi dioten aldaketa, eta udalen eskumenak urratzea dakarrela. Hamabost eguneko epean txostena aurkezteko galdegin diote EUDELi.

Bernat Etxepare lizeoko ikasleen protesta, Oier Oaren alde ©Guillaume Fauveau

Oier Oari ez diote lurralde debekua kenduko, eta familiatik banatua segitu beharko du

Ekhi Erremundegi Beloki

Gaur eman du erabakia Parisko Zigor Auzitegiak. Otsailean epaituko dute, Baionan, lurralde debekua urratzea leporatuta.

Llotja de Marreko alderdien ordezkariak, iaz, Espainiako Kongresuan. ©Javier Lizón / EFE

Alderdi subiranistek Espainiako Konstituzioa «agortuta» dagoela aldarrikatu dute

Paulo Ostolaza

Konstituzioaren Egunaren bezperan, ohar bateratu bat plazaratu dute Llotja de Marreko akordioaren sinatzaileek. «Herrien autodeterminazio eskubidean oinarritutako eredu bat» eskatu dute.

 ©GORKA RUBIO / FOKU

«Gure ustez, beharrezkoa da EAJ gobernutik kanporatzea»

Gotzon Hermosilla

Ezker Anitza-IUk X. Batzarra egin du, eta EAEn «ezkerreko alternatiba sendo bat» osatu behar dela nabarmendu dute berriro, «Nafarroan egin denaren antzera».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.