Albistea entzun

Zaintza

Zaintza ereduaren «paradigma aldaketa» jaso du Jaurlaritzaren estrategia soziosanitario berriak

2021-2024 aldirako estrategia soziosanitarioa aurkeztu dute Arabako, Bizkaiko eta Gipuzkoako instituzio nagusiek. Besteak beste, «adinekoak beren etxean edo etxe baten antzekoak diren zentroetan» bizitzea sustatuko dute.

Arabako, Bizkaiko eta Gipuzkoako erakundeetako arduradunak izan dira BECen, gaurko aurkezpenean
Arabako, Bizkaiko eta Gipuzkoako erakundeetako arduradunak izan dira BECen, gaurko aurkezpenean Irekia Tamaina handiagoan ikusi

Edurne Begiristain -

2021eko urriak 22

2021-2024 urteetarako estrategia soziosanitarioaren ildo nagusiak aurkeztu dituzte gaur goizean Araba, Bizkai eta Gipuzkoako instituzioek Barakaldoko BECen, Iñigo Urkullu lehendakaria buru izan delarik. Gizarte eta osasun zaintzen ereduaren «paradigma aldaketa» baten beharra jaso du estrategiak berritasun gisa. Plangintza berriaren bitartez, erakundeek aurre hartu nahi diete COVID-19aren pandemiaren krisiak eragindako behar soziosanitarioei, eta pandemiaren ondorioz sorturiko «kalteberatasun» egoerei. Horretarako, behar soziosanitarioei modu koordinatuan erantzuteko ildo estrategikoak diseinatu dituzte.

Besteak beste, ondorioztatu dute etorkizuna COVID-19aren pandemiari lotutako beharrak eta baliabideak baldintzatuta egongo dela, eta, bide horretan, zaintzen eremuan «erantzukizun publikoa» hedatzeko konpromisoa hartu dute. Jose Antonio de la Rica arreta soziosanitarioko koordinatzaileak azaldu duenez, pandemiak agerian jarri du iraupen luzeko zaintzen eredua «jasangarri» egin behar dela. Izan ere, egungo zaintza eredua nagusiki familia eremuan oinarrituta dago, ordaindu gabeko lanarekin, eta, oro har, zaintza lan ez-profesionala «ikusezina» izan da. Nabarmendu duenez, aldaketa demografikoak eta izurriaren ondorioek agerian jarri dute zaintza eredua «sakontasunez berrikusi» behar dela eta ezinbestekoa dela zaintzak emateko eskema berriz diseinatzea. Urkullu lehendakariak zehaztu du ideia: «Prebentzioa eta autonomia pertsonala sustatzea xede duten zaintza ekosistemak sustatuko ditugu». Azaldu duenez, ekosistema horiekin erantzuna eman nahi diete adinekoek «beren etxean edo etxe baten antzekoak» diren zentroetan bizitzen jarraitzeko duten nahiari.

Gaurko aurkezpenean nabarmendu dutenez, izurriak agerian utzi du egoitza zentroetako zaintza profesionalen eredua «eraldatu» behar dela, lehen eta bigarren mailako arreta indartuta eta pertsonak «beren ohiko gizarte-ingurunean geratzearen alde eginez». Estrategia soziosanitarioak zehazten duenez, aurrerantzean erantzukizun publikoa eta zaintza instituzionala indartuko dira, lehen mailako arretaren eta bigarren mailakoaren arteko oreka sustatuko da, eta sektore publikoaren, pribatuaren, gizarte ekimenaren eta familia eta komunitate sektorearen arteko lankidetza bultzatuko da. Halaber, helburuen artean ezarri dute bermatzea mendekotasun egoeran dauden, desgaitasuna duten edo gaixotasun larriak, kronikoak edo degeneratiboak dauzkaten pertsonen familiako zaintza «aukera informatua, kontzientea, librea eta egokia» izango dela beti, eta zaintza jasotzen duenari eta zaintzaileei «babesa» ematen zaiela.

Aintzat harturik izurriak gogor jo dituela adinekoen egoitzak, azpimarratu dute adinekoentzat eta desgaitasunen bat dutenentzat egoitza zentroetako «kalitatea» bermatzeko mekanismo batzuk aktibatu eta indartu dituztela. Adibidez, abian jarriko dituzte foru aldundiko gizarte eta osasun zerbitzuetako profesionalez osaturiko «ikuskapen talde mistoak».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arantxa Tapia Eusko Jaularitzako Ekonomia Garapena, Jasangarritasuna eta Ingurumen sailburua ©David Aguilar/ Efe

Ingurumen Administrazioaren Legea onartu du Eusko Legebiltzarrak

Edurne Begiristain

EAJren eta PSE-EEren botoekin egin du aurrera legeak. Oposizioak aho batez arbuiatu du araua, eta bereziki kritikatu du EAJk eta PSE-EEk interes orokorreko proiektuak izendatzeko sortutako figura berria.

Zitarik gabe txertatzeko gunea, Mutiloan (Nafarroa). ©IDOIA ZABALETA / FOKU

Nafarroako Gobernuak ez du baztertu «neurri komunitario gehiago ezartzea»

Ion Orzaiz

456 positibo atzeman ditu Osasunbideak, bezperan baino 190 gutxiago, jaiegunetan proba gutxiago egitearen ondorioz

Zadorra ibaia, gainezka egina, artxiboko irudi batean. ©Juana Ruiz, FOKU

Ibaiek gainezka egin dute Euskal Herriko hainbat tokitan, eta uholde arriskuak kezka piztu du

Berria

Euriteen eraginez, Zadorra eta Cadagua ibaietako ura hainbat tokitan atera da bidetik, eta zirkulazioa nabarmen korapilatu da azken orduetan. Jaurlaritzak larrialdi egoeraren bigarren fasea ezarriko du eguerdian.

Haur Eskolak Euskaraz plataformako kideak eta herritarrak, gaur, Nafarroako Hezkuntza Departamenduaren aitzinean. ©BERRIA

Haur eskolak euskalduntzeko eskatuko dute hilaren 16an, Iruñean

Maddi Ane Txoperena Iribarren

Haur Eskolak Euskaraz plataformak manifestaziora deitu du: 17:30ean abiatuko da, Iruñeko udaletxetik. 380 instantzia eraman dituzte gaur Nafarroako Hezkuntza Departamentura, eskatzeko euskarazko murgiltze ereduan ezar ditzatela Mendebaldeko eta Lezkairuko haur eskola berriak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.