Albistea entzun

AEB

AEBetako epaile batek ebatzi du afganiar bat legez kanpo daukatela Guantanamon atxilotuta

Asadullah Haroon Gulek hamalau urte daramatza preso atxilotze gunean. Gobernuaren argudioak atzera bota ditu Washingtoneko epaile federal batek, eta defentsaren habeas corpus eskaera onartu du.

Guantanamoko atxilotze gunearen aurkako protesta bat, Washingtonen
Guantanamoko atxilotze gunearen aurkako protesta bat, Washingtonen ERIK S. LESSER / EFE Tamaina handiagoan ikusi

Igor Susaeta -

2021eko urriak 22 14:33

AEBetako epaile baten arabera, hango gobernuak ez du lege oinarririk gizonezko afganiar bat Guantanamoko atxilotze zentroan (Kuba) preso edukitzeko. Washingtongo epaile federal Amit P. Mehtak ebatzi du, horrenbestez, legez kanpokoa dela Asadullah Haroon Gulen atxiloketa. 2007an hartu zuten atxilo Jalalabaden (Afganistan), kargurik gabe, eta epaileak gobernuaren argudioak atzera bota ditu eta defentsaren habeas corpus eskaera onartu du. Epaiaren xehetasunak sekretupean dauden oraingoz, baina Tara Plochockik, atxilotuaren abokatuetako batek ohar baten bidez adierazi duenez, «legea ezartzeko bidean garaipen garrantzitsua» da. Iruditzen zaio gainera, modu horretan gogorarazten zaiola AEBetako Gobernuari mugak daudela «segurtasun nazionalaren izenean» egin dezakeenaren inguruan. Azken hamar urteotan Guantanamoko preso batek Washingtonen aurkako auzi bat irabazten duen lehen aldia da.

Reprieve AEBetako GKE gobernuz kanpoko erakundeak Gul lagundu du, eta nabarmendu du atxilotua izan eta ondorengo bederatzi urteetan abokatu bat edukitzeko aukera ukatu ziola Washingtonek, nahiz eta horretarako ahaleginak egin zituen. 2016an eskaera bat aurkeztu zuen bere defentsak Washingtongo auzitegi federal batean, argudiatuz bere atxiloketa legez kanpokoa zela.

Oraindik ez dute aske utzi, baina, bere abokatuaren esanetan, epaileak emandako agindua gauzatu eta «berehala» askatu beharko luke AEBetako Gobernuak, «konstituzioak agindutakoari jarraiki»

The Washington Post egunkariak kaleratutako informazioaren arabera, orduan Al-Qaedaren aliatu zen talde paramilitar baten kidea zen Gul atxilotu zutenean. Talde hark Mendebaldeak babestutako Afganistango Gobernuarekin bakeak egin zituen 2016an, eta Afganistango kartzeletan zeuden ehunka militante aske utzi zituzten.

Kasuaren dokumentuek diotenez, Gulek adierazi zuen atxilotu zutenean Afganistanen zegoela bere beharrarekin lotutako arrazoiengatik, baina bere familiarekin bizi zela Pakistanen, errefuxiatuentzako kanpaleku batean.

2001eko irailaren 11ko erasoen ondoren zabaldu zuten atxilotze zentroa, 2002an, «atzerriko susmagarriak» hara eramateko. Han atxilotuta egondako dezentek torturak salatu dituzte. Barack Obamak 2009 eta 2017 artean AEBetako presidente izandakoak behin baino gehiagotan agindu zuen gunea itxiko zuela, eta Joe Biden egungo presidenteak ere asmo hori adierazi du. Noizbait 700 preso zeuden han, baina gaur egun 50 bat daude han atxilotuta. AEBek han preso egondako dozenaka taliban askatu dituzte azken urteotan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gizon bat tabberna bateko ataria garbitzen, Vienan, iazko azaroko itxialdiaren hasieran. / ©CHRISTIAN BRUNA, EFE

Otsailetik aurrera, Austriak 3.600 eurorainoko isuna jarriko die txertatuta ez daudenei

Arantxa Elizegi Egilegor

Parlamentuak gaur bozkatuko du lege proposamena. Otsailaren 1etik aurrera, txertatzera derrigortuta egongo dira 18 urtetik gorako herritarrak.

Ratzinger, 2020ko ekainean Regensburgen (Alemania) ©PHILIPP GUELLAND / EFE

Municheko artzapezpiku zela abusuen aurka ezer egin ez izana egotzi diote aita santu emerituari

Arantxa Elizegi Egilegor-Igor Susaeta

Joseph Ratzingerrek lau sexu abusuren berri izan zuen, artzapezpiku zela. Abokatu talde batek egin du ikerketa, artzapezpikutzak berak eskatuta. Gerraostetik 2019ra arte salatutako abusuak jasotzen dira bertan. Marx Municheko kardinalak nabarmendu du Elizak ez dituela serio hartu izan sexu abusuak.

Kataluniako prozesu independentista sustatzeagatik Espainiako Auzitegi Gorenak espetxeratutako bederatzi buruzagi katalanetako zazpi, iazko ekainean, espetxetik irteten. ©Qique Garcia, EFE

Indultuen kontrako helegiteak bertan behera utzi ditu Espainiako Auzitegi Gorenak

Gorka Berasategi Otamendi

PPk, Ciudadanosek eta Voxek errekurtsoa jarri zioten buruzagi independentista katalanak aske uzteko neurriari, baina auzitegiak ebatzi du ez dutela horretarako gaitasunik.

 ©ANGEL MADINA G. / EFE

«Deskolonizazioaz ari ote garen argitu behar du NBEk»

Arantxa Elizegi Egilegor

«Nazioartearen babespean» ezkutatzea leporatu dio Arabik Espainiari. Polisarioko kidearen esanetan, Madrilek «erantzukizun politiko eta juridikoa» du gatazkan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.