Albistea entzun
Emakumeen aurkako indarkeriari ez
Emakumeen aurkako indarkeriari ez

EITB

EITBren 'streaming' plataformari 'Primeran' izena jarriko diote

Andoni Aldekoa EITBko zuzendari nagusiak taldearen asmoen eta lehentasunen berri eman du gaur, Bilbon, Seriesland websailen jaialdian. «Kontsumo eta euskarri digital berrien aurrean, euskarazko edukiak bermatu behar ditugu», esan du

Andoni Aldekoa EITBko zuzendari nagusia
Andoni Aldekoa EITBko zuzendari nagusia Aritz Loiola / Foku Tamaina handiagoan ikusi

Urtzi Urkizu -

2021eko urriak 22

«Gure garai honetan, ikus-entzunezko produkziorik gabeko herrialde batek ez du errelatorik». Andoni Aldekoa EITBko zuzendari nagusiaren esaldia da. EITB 2030 estrategia planaren berri eman du gaur, Bilbon, Seriesland nazioarteko jaialdian, Basque Egunaren bigarren aldian. Nabarmendu du etorkizunean funtsezkoa izango dela «partekatzea», baita «elkarrizketak sortzea» ere. «Kontsumo berrien eta euskarri digital berrien aurrean, euskal ikus-entzunezkoak eta euskarazkoak bermatu behar ditugu. Eta horiek ez badaude presente, belaunaldi batzuek ez dute euskaraz kontsumitzeko aukerarik izango», azaldu du. Gazteekin «konektatu» beharra aipatu du betekizunen artean.

Orain, talde publikoa Nire EITB izeneko proiektuan ari da lanean. Horren bitartez, herritarrek erregistratzeko aukera izango dute, izena emanda. Eta behin erregistratzea nahikoa izango da komunitate digital horretakoa izateko.

Aldekoaren arabera, EITBrentzat garrantzitsua da jasangarritasun ekonomikoa. Baita egokitzapen teknologikoa, profesionaltasuna eta kalitatea ere, eta hurbiltasuna eta informazioa.

Europako ingurune mediatikoa ezagutzeko zenbait datu bildu ditu talde publikoak. Ikerketa asko eskatu dituzte, halaber, sektorearen egoera hobeto ezagutzeko. «Dilema nagusia» detektatzea funtsezkoa da, Aldekoaren aburuz. «Desafioa» honako hau dela aipatu du: «Digitalizazioaren eta globalizazioaren aroan eta Europako esparruaren barruan, zer esan nahi du herri txiki bateko ikus-entzunezko talde publiko izateak, berezko kultura eta hizkuntza gutxitua zaintzeko helburua edukita?». EITB taldearen nortasunak honakoei erantzun behar die: «Euskara, kultura, Euskal frame-a eta zerbitzu publikoa».

Ildo nagusiak finkatuta, ekintza planari ekingo dio EITBk datozen urteetan. Lehentasunen artean, zuzendari nagusiak aipatu du konpromiso soziala dagoela. «EITB euskal ikus-entzunezko talde erreferente moduan duen posizio soziala indartzea». Etorkizuneko telebista izateko asmoz, «frankiziak finkatu eta komunitate digitalak sortuko dituen estrategia digitala sustatzea» egongo da. Etorkizuneko irratiari dagokionez, irratia «digitalizatzea» eta EITBren «proiektu crossmedia-k» sustatzea daude asmoen artean.

Primeran plataforma
Maiatzaren 19an, Aldekoak Eusko Legebiltzarrean iragarri zuen «euskal Netflix» bat sortzeko asmoa duela EITBk. Primeran izena jarriko diote plataforma horri. Aldekoaren arabera, EITBko edukiak izango dira garrantzitsuenak plataforma horretan. «Baina beste eduki batzuk ere egongo dira. Euskal Herriko produkzioentzat eta jaialdientzat leiho bat izatea nahiko genuke. Bideragarria izatea nahiko genuke, baita gazteentzat erakargarria ere». Eszenaren munduko edukiak etorkizunean sartzeko aukera aipatu du Aldekoak: «kontzertuak eta bestelakoak».

Hedabide gisa, informazioarekiko EITBren konpromisoa indartzea da lehentasunetako bat. «Informazio digitalean eta hedabide berrietan liderra izatea» ere bai. Aldekoak azaldu du «EITB agendaren» alde egingo dutela, «talde moduan indartzeko».
Kirolean erreferenteak izatea da beste jomuga bat. Zuzendari nagusiaren ustez, teknologia berriek aurrerapauso berriak emango dituzte kirol emankizunetan.

Aldekoak garrantzia eman dio euskal ikus-entzunezko ekosistemarekin aliantzak egiteari ere. «Berrikuntza eta sormena indartuko dira Euskadiko ikus-entzunezko ekoizpenean». Horretarako, EITB Miramon Faktoria proiektua jarriko dute martxan Donostiako egoitzan. Miramongo egoitzako zuzendaria Maite Iturbe da –EITBko zuzendari nagusia izan zen 2013tik 2020ra, eta taldean ari da lanean 1984tik—.

Kudeaketa teknologiko berria behar dutela uste du Aldekoak. Halaber, EITBren egoitzak modernizatzeko plan bat izango dute.
«Bidea» hasteko proiektuen artean, Primeran plataformaz eta EITB Miramon Faktoriaz gain, edukien politika berrian egongo da fikzioa lortzea eta bikoiztea, eta euskarazko produkzioen eskubideak babestea. Nafarroako egoitza zabaltzen ari dira, eta herrialde horretako audientziak hobetu nahi ditu taldeak.

Aliantzen eta nazioartekotzearen bideari ere ekingo diotela iragarri du Aldekoak. Zeregin horretan, eta plataforma teknologikoekin izango dituzten harremanak lantzeko, Izaskun Ozerin iritsiko da ETBra BBCtik. Azaroaren lehen hastean hasiko da EITBn lanean.

Aldekoak ekarpenak jasotzeko prest izango du epe batez egitasmoa, oraindik ez baitago behin betiko onartua. Hemendik aste batzuetara egingo dute publiko dokumentua.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Lagun talde bat Bilboko Pabiloi 6 antzeztokiaren aurrean, artxiboko irudi batean. ©MARISOL RAMIREZ / FOKU

Abandonutik ekosistemara

Amaia Igartua Aristondo

Hutsik dauden industria nabeak erabili dituzte artista batzuek kultur proiektuak sortzeko. Bilboko Zorrotzaurren, Pabiloi 6 da ereduetako bat. Guneon ekarpenak aletu dituzte 'Bigarren ekitaldia' filmean.
Jamalus Orion taldeko kideak League of Legends jokoaren norgehiagokan, atzo, Bilboko BAT dorrean. ©OSKAR MATXIN EDESA / FOKU

Gatazkaren zuzeneko kontaketa

Amaia Igartua Aristondo

Bilboko BAT dorrean League of Legends online bideojokoaren lehiaketa bat antolatu dute. Bataila jokoa da, baina futbol partida bat bezala kontatu dute, eta sarraskiak txalotu dituzte ikusleek.
Joseba Ossa, etxeko saunan. ©JON URBE / FOKU

Sauna, bizitzaren ardatz

Ane Insausti Barandiaran

Finlandian oso errotuta dago saunaren kultura, eta bai helduek eta bai gazteek eusten diote tradizioari. Euskal Herrian ere badira zaleak, eta esperientzia «sakona» dela diote. Hainbat ikerketaren arabera, ona da osasunarentzat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...