Bilbon 45 urteko gizon bat atxilotu dute, etxekidea labana batekin erasotzea leporatuta

Deklarazioa hartu ondoren, espetxeratzea agindu du epaileak.

Bilboko ertzain etxea. / Irekia Tamaina handiagoan ikusi

2021eko urriak 23 18:30

Eusko Jaurlaritzako Segurtasun Sailak jakinarazi duenez, Ertzaintzak 45 urteko gizon bat atxilotu du gaur goizean Bilbon, etxekide bat labana batekin erasotzea egotzita. Labankada jaso duen gizona ospitalera eraman dute, eta larri dago.

Atzo arratsaldean izan zen erasoa, San Inazio auzoan zenbait lagunek duten etxebizitzan. Bi etxekideak eztabaidan ari zirela, ustez erasotzaileak besteari labana sartu zion, eta ospa egin zuen. Beste etxekideek ohartarazi zieten larrialdi zerbitzuei.

Labankada jaso zuen gizona ospitalera eraman zuten, eta polizia ustezko erasotzailearen bila hasi zen. 22:15ean atzeman zuten, eta hilketa saiakera leporatzen diote. Gaur goizean epailearen aurrean deklaratzera eraman dute, eta espetxeratzea agindu du hark. Biktimari ebakuntza bat egin behar izan diote.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut