Albistea entzun

Sindikatuak

ELAk eskatu du lan eta pentsio erreformak indargabetzeko Hegoaldeko hiriburuetan

Sindikatuak 'Ez gaitzazue Madrilen saldu' lelopean egin ditu mobilizazioak Bilbon, Donostian, Gasteizen eta Iruñean. Ez dute baztertu greba orokorrera deitzeko aukera.

Mitxel Lakuntza hizketan, gaur, Bilboko manifestazioa.
Mitxel Lakuntza hizketan, gaur, Bilboko manifestazioa. ELA sindikatua Tamaina handiagoan ikusi

Paulo Ostolaza -

2021eko urriak 24 10:30

ELA sindikatuak deituta, milaka lagun irten dira kalera Hego Euskal Herriko lau hiriburuetan. Helburua zen EAJri, EH Bilduri eta Elkarrekin Podemosi presio egitea, Espainiako Kongresuan lan eta pentsioen erreformak onar ez ditzaten. Mobilizazioen aurkezpenean, sindikatuak argi utzi zuen alderdi horien botoek erabakiko dutela onartuko diren ala ez «euskal langileen eta pentsiodunen aurkako neurri berriak».

Mitxel Lakuntza ELAko idazkari nagusia Bilboko manifestazioan izan zen, eta horren amaieran hartu zuen hitza. Han ziren, besteak beste, Tubacexeko eta Novaltiako beharginak ere. Lakuntzak esan zuen datozen asteetan asko dagoela jokoan: «Hamarkada oso bat daramagu azken pentsio eta lan erreformen ondorioak pairatzen». Salatu zuen aurreko krisian diru publikoa bankuei eman zitzaiela, eta oraingoan enpresa handiei nahi diela eman Espainiako Gobernuak: «Hori da Pedro Sanchezek Europako Batasunarekin egin duen tratua».

Pentsioei dagokienez, adierazi zuen kezkatzeko arrazoiak «sobran» daudela: «Escriva ministroak argi esan zuen, bi aukera soilik ditugu: edo beranduago jubilatu, edo gutxiago kobratu».

Lan erreforma bertan behera uztea, berriz, ezinbestekoa dela esan zuen. Batetik, «Euskal Herrian aplikatzen diren akordioak hemen adostutakoak direla bermatzeko»; eta, bestetik, «ABEEak ez daitezen bilakatu irabaziak dituzten enpresek kaleratzeak nahi bezala egiteko baliabide bat».

Lakuntzak azaldu zuenez, erabaki horiek «zoritxarrez» Madrilen hartzen dira, eta ez Euskal Herrian, baina azpimarratu zuen euskal herriko alderdiek badutela gobernua baldintzatzeko gaitasuna: «Ez gaitzazue Madrilen saldu!», amaitu zuen.

Mobilizazioak jendetsuak izan dira gainontzeko hiriburuetan ere, adibidez, Donostian.

Jarraitu irakurtzen: Bruselak zaintzen duen lan erreforma

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Dassaul enpresak Angelun duen lantegiaren aurrean sua piztu dute gaur protestariek. ©Guillaume Fauveau

Suarekin egin diote aurre hotzari Angeluko Dassault lantegiko protestariek

Berria

Lan saria 140-200 euro artean emendatzea eskatu dute langileek, eta enpresaren atarian protesta egiten ari dira.

Garbiñe Aranburu LABeko idazkari nagusia eta Mitxel Lakuntza ELAkoa, 2019ko mobilizazio batean ©Marisol Ramirez (Foku)

LABek greba orokorra baztertu du, ELAren «jarreragatik»

Jokin Sagarzazu

LABek taktizismoa leporatu dio ELAri: alderdi politikoek Madrilen hartzen dituzten erabakien arabera jokatzea. ELAk erantzun du ez diola grebara deitzeko aukerari «inolaz ere» uko egingo, «erreformen mehatxuak dirauen bitartean»

Istanbulgo herritar batzuk dibisak trukatzeko bulego batean, abendu hasieran. ©SEDAT SUNA / EFE

Eskuetatik ihes egiten duen dirua

Lara Villalón

Erdogan presidenteak inposatutako diru politika heterodoxoak lagunduta, Turkiako lirak bere balioaren %45 galdu du azken urtean. Debaluazioa inflazioa elikatzen ari da, eta arazo latzak eragiten dizkie herritarrei.
VW Nafarroako langileak Polo modelo berrituaren lehen alea erakusten, ekainean. ©Volkswagen

Volkswagenek bi modelo elektriko eman diezaizkioke Landabeni

Iker Aranburu

Ostegunerako espero da esatea zer modelo egingo dituzten, eta zer produkzioarekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.