Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Paris 92 21-26 Bera Bera

Bera Bera Europako Ligako hirugarren kanporaketarako sailkatu da

Itzulerako neurketa 21-26 irabazi zuten donostiarrek atzo Parisen, bigarren zati gogoangarri bat eginda. Hurrengo kanporaketan Errumaniako Ramnicu Valcearen aurka jokatuko dute.

Bera Berako jokalariak, entrenatzailea eta zaletuak, gaur, Parisen, garaipena ospatzen.
Bera Berako jokalariak, entrenatzailea eta zaletuak, gaur, Parisen, garaipena ospatzen. Super Amara Bera Bera Tamaina handiagoan ikusi

Paulo Ostolaza -

2021eko urriak 24 10:07

7-16. Hori da atzo Paris 92 ahalguztidunaren eta Super Amara Bera Beraren arteko neurketaren bigarren zatiko partziala. Joaneko neurketak (27-27) balio izan zien Imanol Alvarezen neskei sinesteko frantziarrei parez pare aurre egiteko gai zirela, eta atzo berretsi zuten uste hori. Lehen zatian gehiago izan ziren etxekoak, baina bigarren zatia ez zuten berehalakoan ahaztuko Bera Beraren zaleek.

Balioa eman behar zaio Bera Berak egindakoari: txapelketako talderik indartsuenetako bat kanporatu du, Frantziako Ligan lehen postuan sailkatuta dagoen taldea. Eta nola, gainera. Donostiarrek Europan sekula egin duten balentriarik handienetakoa da.

Egiari zor, hasieran aurkakoa gertatuko zela zirudien: Pariskoek beren lekuan jarriko zituztela donostiarrak. Hasi bezain pronto jarri zuten 3-0ekoa markagailuan, eta Bera Berari kosta egin zitzaion partidan sartzea. Serdarevicen geldiketek ere zaildu zuten bidea. Gauzak hala, atsedenaldira errenta politarekin joan ziren etxekoak: 14-10 aurretik.

Bigarren zatian, erauntsia

Aldagelan, ordea, asmatu zuen zerbait Alvarezek, eta denboraldiko 30 minuturik onenak jokatu zituzten donostiarrek, Mariane Fernandes buru. Erasoan, ikusgarria izan zen brasildarraren erakustaldia, baita Esther Arrojeria usurbildarrarena ere. Malena Cavorekin batera, lehen lerro bikaina osatu zuten. Hasieran eutsi zioten etxekoek, berriz ere Serdarevici esker, baina geroz eta nabarmenagoa zen erasoan ideiak agortuta zituztela.

Gakoa, ordea, defentsako lana izan da —Alba Menendez kapitainak eta June Loidik gidatuta—, baita Maddi Aallaren geldiketak ere. Paris 92k ia hamar minutu behar izan zituen atezain bizkaitarrari bigarren zatiko lehen gola egiteko. Azken hamar minutuetara bi gol aurretik heldu zen Bera Bera, eta bikain eutsi zion markagailuari. Amaieran, 21-26. Behar bezala ospatu zuten jokalariek.

Hirugarren kanporaketarako sailkatu da Bera Bera, eta han Errumaniako Ramnicu Valcea izango du parean.

Paris 92: Serdarevic eta Gabriel (atezainak), Cissokho (4), Thouvenot, Niombla (2), Flipes (2), Mabana Fofana (3), Lassource (1), Chauveau, Sajka (2), Offendal (4), Namizata Fofana (2), Nkou eta Resende (2).

Super Amara Bera Bera: Aalla eta Silva (atezainak); Gil (gol 1), Boada (1), Cavo (2), Polonio (2), Fernandes (8), Maitane Etxeberria (1), Arrojeria (6), Menendez, Loidi, O'Mullony (2), Cardoso (2), Ainhoa Etxeberria, Hernandez (1) eta Mirene Moreno.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nasser Al Khater. / ©EFE

Munduko Kopako antolatzaileak gogorarazi du Qatarren ez daudela onartuta sexu bereko pertsonen arteko harremanak

Jon Ordoñez Garmendia

Nasser al-Khater antolaketa batzordeko arduradunak esan du LGTBI kolektiboko pertsonak joan daitezkeela Qatarrera, baina maitasunik ezin dutela adierazi.

 ©GORKA RUBIO / FOKU

«Irabazitakoan, azken hiru edo lau urteetako bilakaeraz oroitu naiz»

Jon Ander De la Hoz

Euskal Herriko federazioaren aizkolari txapelketa irabazi berri du Hodei Ezpeletak. Urrezko Aizkoran urte izugarri ona eginda, igandeko lorpena du aizkora lanean segitzeko akuilu: «Denborak hobetzeko gogoz nago».
Itziar Ariztimuño Gernikako jokalaria baloia babesten Flammeseko jokalarien aurrean. ©ARITZ LOIOLA / FOKU

Uste baino lehen, agur

Ainara Arratibel Gascon

Eurokopatik kanpo geratu da Gernika, Flammesen kontra 56-58 galdu ostean. Bizkaitarrek 20 baloi galdu dituzte, eta hor egon da gakoa

Raul Garcia Atleticeko jokalaria Casemiro Real Madrilekoa gainean duela, atzo, Santiago Bernabeun. ©KIKO HUESCA / EFE

Gehiago merezi izan du

Mikel O. Iribar

Athletic Real Madrilen areara heldu den bakoitzean txiki geratu da Courtoisen aurrean. Benzemak sartu du partidako gol bakarra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.