Albistea entzun

Koronabirusa

Astebetean 1.193 kasu detektatu dituzte Hego Euskal Herrian

Azken zazpi egunetan %27 egin du gora kutsatu kopuruak, eta 24 gaixo hil dira gaitzak jota Hegoaldean.

Test diagnostikoak egiteko laborategia Gasteizko Txagorritxuko ospitalean
Test diagnostikoak egiteko laborategia Gasteizko Txagorritxuko ospitalean Gorka Rubio/ Foku Tamaina handiagoan ikusi

Edurne Begiristain -

2021eko urriak 25

Osasun agintariek joan den egunetan iragarritakoa berretsi dute gaur Eusko Jaurlaritzako eta Nafarroako Gobernuko osasun agintariek emandako COVID-19aren gaineko datuek: kutsatuen kurba gora doa. Joan den astean, hilaren 18tik 24ra bitartean, 1.193 positibo atzeman zituzten Hego Euskal Herrian. Kontuan hartuta urriaren 11tik 17ra bitartean 939 positibo atzeman zituztela egindako testetan, %27 egin du gora kutsatu kopuruak azken zazpi egunetan.

Eusko Jaurlaritzako Osasun Sailak astean behin jakinarazten ditu birusaren transmisioari buruzko datuak, eta gaur da gaitzaren bilakaerari argazkia ateratzeko egun egokiena. Izan ere, Osakidetzak Arabako, Bizkaiko eta Gipuzkoako datuen asteko txostena plazaratu berri du. Atzo, Osakidetzak atzemandako kasuak 112 izan ziren, egindako testen %4,7. Lurraldeka, Araban bederatzi kasu detektatu zituzten, Bizkaian 41, eta Gipuzkoan 62. Nafarroan, berriz, 27 positibo atzeman zituzten, egindako test diagnostikoen %3,2. Hegoaldeko positibo tasa, beraz, %4,2 da oraintxe.

Birusaren transmisioarekin lotutako datuetan ez ezik, ospitaleetako egoeran ere atzeman da okertzea. Gaur emandako datuen arabera, Osakidetzako eta Osasunbideko erietxeetan 128 pertsona daude COVID-19ak jota; horietako 32, ZIUetan. Duela astebete, urriaren 18an, 97 pertsona zeuden erietxeraturik gaitzak jota. Gaixo kopurua %32 handitu da azken zazpi egunetan, beraz. Aldea bada. ZIUetako egoera, ordea, egonkor dago.

Gaitzaren ondorioz hildakoen kopuruari erreparatuta, Osakidetzak eta Osasunbideak jakinarazi dutenez, azken zazpi egunetan 24 pertsona zendu dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Adineko egoitza bat ©Gorka Rubio/ Foku

Araba, Bizkai eta Gipuzkoako zahar etxeetako neurri batzuk arindu dituzte

Edurne Begiristain

Positibo ematen duten egoiliarren bakartze aldia zazpi egunera murriztu dute, eta txertatutako kontaktu estuak eguneko zentroetara joan ahalko dira.

Korrikaren lekukoak badu nondik nora ibili

Korrikaren lekukoak badu nondik nora ibili

Julen Aperribai

Korrikaren ibilbidearen berri eman dute: Mendebaldean hasiko da, eta Gasteiz izango da igaroko duen lehen hiriburua. 2.180 kilometro eginda, Donostiara iritsiko da lasterketa. Ikusi egunez eguneko ibilbidea eta ordutegia albiste barruan.

Autodiagnostikorako gune bat Gurutzetako ospitalean ©Aritz Loiola/ Foku

Egun bakarrean 122 pertsona ospitaleratu dituzte Hego Euskal Herrian

Edurne Begiristain

Guztira, 1.110 gaixo daude ospitaleratuta gaitzarekin, horietako 155 ZIUetan. Nafarroan, gutxienez 6.000 lagun berrinfektatu dira izurri hasieratik.

Sara Pinaren hilketa matxista salatzeko elkarretaratzea egin zuten Tuteran. ©Iñigo Uriz/ Foku

Urtarrilaren 25ean estraditatuko dute Sara Pinaren gizona

Unai Etxenausia

Gizonak hurrengo egunean deklaratu beharko du epailearen aurrean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.