Albistea entzun

Koronabirusa

Sagarduik «tentuz» jokatzeko eskatu du, birusaren hedapenaren joera «goranzkoa» delako

Eusko Jaurlaritzako Osasun sailburuaren hitzetan, oraindik goizegi da beste olatu bat datorrela esateko, eta ez dago jakiterik «goranzko» bilakaerak zer eragin izango duen ospitaleetan.

Gotzone Sagardui, aurreko agerraldi batean.
Gotzone Sagardui, aurreko agerraldi batean. Adrián Ruiz de Hierro / EFE Tamaina handiagoan ikusi

Irati Urdalleta Lete -

2021eko urriak 26

Bihar beteko dira hogei egun Eusko Jaurlaritzak osasun larrialdia bertan behera utzi eta COVID-19a ez hedatzeko neurri gehienak bertan behera laga zituenetik. Gotzone Sagardui Osasun sailburuak ohartarazi du birusa ez dela desagertu, eta «tentuz» jokatzeko eskatu die herritarrei, birusaren hedapenaren joera «goranzkoa» delako. Gaur eman du bilakaeraren berri, gobernu bileraren ostean egindako agerraldi batean.

Azken egunetan, birusaren joera «goranzkoa» da, Sagarduiren hitzetan, eta hori berresteko datuak eman ditu: azken hamabi egunetan, hazten ari da hamalau eguneko 100.000 biztanleko intzidentzia metatua, eta hala jarraituko duela uste dute. Halere, esan duenez, igoeraren intentsitatea aurrekoetan baino apalagoa da. «Oraindik goizegi da beste olatu bat datorrela esateko». Aurreko kasuetan ikusi denez, birusaren aldaera berriek eragina zian dezakete positiboak areagotzeko, baina, oraingoz, Sagarduik ziurtatu duenez, ez dute aurkitu birusaren aldaera berririk.

Kazetariek agerraldien inguruko informazioa ere eskatu diote, eta Basurtuko erietxean izandakoaz aritu da. Orotara, 30 positibo atzeman dituzte: 21 gaixok, sei bisitarik eta hiru langilek eman dute positibo. Egun agerraldia «kontrolpean» dagoela ziurtatu du.

Ospitaleetako datuak ere eguneratu ditu: 78 gaixo daude ospitaleratuta Osakidetzan, horietako 24 ZIU zainketa berezietako unitateetan. Sagarduiren esanetan, beste kasu batzuetan ere beranduago nabaritu izan da kasuen igoera ospitaleetan, eta, momentuz, igoerarik ez dago ZIUetan. Ez du argi zein izango den bilakaera: «Oraindik goizegi da goranzko joerak zer bilakaera izango duen ikusteko». Kazetarien galderei erantzunez, esan du erietxeetan txertatutako nahiz txertatu gabeko gaixoak daudela, baina batez ere txertatu gabekoen kasuak direla larrienak. Horiek horrela, oraindik txertorik hartu ez duten herritarrak txertatzera animatu ditu, eta gogorarazi die zita hartzeko aukera dutela osasun etxera deituta edo Osakidetzaren webgunearen bidez.

Babes neurrien beharra

Sagarduik azaldu duenez, antzeman dute azkenaldian gutxiago erabiltzen dela maskara, ospakizunak areagotu egin direla, eta jendea gero eta gehiago biltzen dela. Ohartarazi du bi faktore horiek kutsatzeko arriskua areagotzen dutela, eta babes neurriak hartzen jarraitzeko eskatu du. Batez ere, 12 urte baino gutxiagoko haurrei erreparatu die, haientzako oraindik txertorik ez baitago. Neurriak hartzen jarraitu beharra dagoela esan du, eta, horregatik, maskara janzten jarraitu beharko dute eskolan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskaraz ikasteko eskubidea aldarrikatu zuten atzo NUPeko Euskara Taldeko kideek. ©NUP-EKO EUSKARA TALDEA

Euskararen eguna: Txibiteren agendan ageri ez den ospakizuna

Ion Orzaiz

Euskararen Nazioarteko Eguna «ospatzera» deitu du Ana Ollo kontseilariak (Geroa Bai), baina gobernuak ez du ekitaldi ofizialik prestatu

Urkullu Labiren bilera batera sartzen, artxiboko irudi batean. ©J.FONTANEDA / FOKU

Datuen goraldia apaltzen ahalegintzeko jarraibideak onartuko ditu gaur Labik

Arantxa Iraola

Osasun larrialdia berriz ezarri du Urkulluk, pandemia hasi zenetik hirugarren aldiz. 16:30erako deitu du Labi bilerara

<b>Mahai ingurua.</b> Ezkerretik, Lander Muñagorri, Ihintza Ostolaza eta Joseba Ibarretxe. ©ARITZ LOIOLA / FOKU

Bolumena igo, ertzetan ere entzun dadin

Gotzon Hermosilla

Eremu erdaldunetako gazteei euskararen eta euskal kulturaren transmisioa nola bermatu aztertu dute jardunaldi batean. Zenbait adituk esan dute periferia, arazoa baino gehiago, «irtenbidea» izan daitekeela
<em>Batuz aldatu</em>-ren aurkezpena, aurtengo ekainean. ©JON URBE / FOKU

Hizkuntza politiketan eragiteko prest

Berria

Ia urte erdia pasatu da eremu askotako ia ehun eragilek adostutako 'Batuz aldatu' dokumentua aurkeztu zutenetik. Euskara eroso erabiltzeko baldintzak sortzea du helburu egitasmoak. Arloz arloko lanketari ekingo diote 2022an.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.