Albistea entzun

KORONABIRUSA

Afrikako Batasunak izurriaren aurkako 110 milioi txerto dosi jasotzeko akordioa egin du

Moderna etxearekin egin du ituna kontinenteko 55 herrialde biltzen dituen elkarteak, AEBetako Gobernuak bideratuta. Afrikan, oraingoz herritarren %5,23ri jarri dizkiete txertoaren bi dosiak.

Erizain bat gizon bati txerto dosi bat jartzen, Johannesburgon (Hegoafrika).
Erizain bat gizon bati txerto dosi bat jartzen, Johannesburgon (Hegoafrika). Kim Ludbrook / Efe Tamaina handiagoan ikusi

Igor Susaeta -

2021eko urriak 26

AB Afrikako Batasunak COVID-19aren aurkako 110 milioi txerto dosi jasotzeko ituna egin du Moderna AEBetako farmazia enpresarekin. Hain zuzen ere, AEBetako Gobernuak bideratu du akordioa, eta ABk aurreikusten du abenduan jasotzea aurreneko 15 milioi dosiak. «Hau guretzat lorpen bat da», nabarmendu du, gaur, ABko kide Strive Masiyiwak, prentsa agerraldi telematiko batean. Datorren urteko lehen hiruhilekoan beste 35 milioi txerto dosi dira Afrikara bidaltzekoak, eta bigarren hiruhilekoan beste 60. Afrikak 1.300 milioi biztanle inguru ditu, eta, Gaixotasunak Kontrolatzeko eta Prebenitzeko Afrikako Zentroak emandako datuen arabera, oraingoz soilik herritarren %5,23ri jarri dizkiete txertoaren bi dosiak.

Batasuneko kidearen esanetan, arazoa ez da izan txerto dosien prezioa, baizik eta horietarako «berehalako sarbidea». Eskerrak eman nahi izan dizkio Washingtoni, neurri batean AEBetako administrazioak negoziatu baitu akordioa. Izan ere, izurriari erantzuteko Etxe Zuriko koordinatzaile Natalie Quillianen hitzetan, «ABri erosketaren ilaran lekua egiteko» intentzioarekin atzeratu du Washingtonek Modernari erositako 33 milioi dosi osasun agintarien esku uztea. «Txertoak ekoizten dituzten beste herrialde batzuei eskatu nahi diegu jarrai dezatela AEBetako Gobernuaren eredua, eta ireki diezagutela txertoak erosteko bidea. Hilabete asko daramatzagu hori eskatzen», azpimarratu du Masiyiwak.

Afrikako 55 herrialdek osatzen dute batasuna. Orain arte, herrialdeek beren kabuz erosi dituzte txerto dosiak, edo, bestela, beste herrialde edo instituzio batzuek eman dizkiete, edo Covax nazioarteko programaren bidez. Moderna etxeak ohar batean nabarmendu duenez, ABrekin hasitako «luzera begirako» lankidetza akordio bateko «aurreneko pausoa» da emandakoa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Koronabirusak hildaoen omenezko kandelak piztu zituzten atzo Bernan, Suitzan. / ©Anthony Anex, EFE

Ospitaleratzeak igo egingo direla ohartarazi du OMEk

Arantxa Elizegi Egilegor

Omikron aldaera 57 herrialdetan atzeman dute dagoeneko. Kutsatzeak egonkortu egin dira mundu mailan, baina Afrkan nabarmen zabaldu dira.

Olaf Scholz sozialdemokrata, koalizio akordioa sinatu osteko agerraldian. / ©Clemes Bilan, EFE

Alemaniako kantziler aukeratu dute Scholz

Arantxa Elizegi Egilegor

Alderdi Demokratiko Librearen eta Berdeen babesa jaso du Alemaniako Alderdi Sozialdemokrataren kantzilergaiak. Pandemia eta nazioarteko agenda izango ditu erronka nagusi.

Fronte Polisarioko soldaduak Mahbesen, Mendebaldeko Saharan. Urtebete da Polisarioak gerra egoera ezarri zuela, Marokoren erasoei erantzunez. ©MANUEL LORENZO / EFE

SEADek ezinezkotzat jo du Marokorekin irtenbide baketsu bat adostea

Arantxa Elizegi Egilegor

Rabaten «krimenei» entzungor egitea leporatu dio Ghalik nazioarteari. Salatu dute Sultana Khaia ekintzaile sahararra jipoitu eta bortxatu egin dutela. Khaiak urtebete darama etxeko atxiloaldian

Joe Biden, pantailan, eta Vladimir Putin, atzo, bien arteko bilera hasi aurretik. ©MIKHAEL METZEL / EFE

Bidenek adierazi dio Putini zigorrak ezarriko dizkiola Ukrainari eraso eginez gero

Igor Susaeta

AEBetako presidenteak eskatu dio Errusiakoari «bide diplomatikoak» ibil ditzala. Washington «koordinatuta» dago Europako potentziekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.