Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Esna elkartea aurkeztu dute Nafarroako arte eszenikoen sektoreko zenbait enpresak

Egitasmoaren helburua da «sektorearen garapena bultzatzeko tresna baliagarria» bilakatzea. «Sinergiak» sortu nahi dituzte beste elkarte batzuekin.

Elkartea osatzen duten sei enpresetako batzuen ordezkariak, atzo, Iruñean.
Elkartea osatzen duten sei enpresetako batzuen ordezkariak, atzo, Iruñean. Esna Tamaina handiagoan ikusi

Ane Eslava -

2021eko azaroak 3 11:57

Nafarroako arte eszenikoetako zenbait taldek Esna elkartea aurkeztu zuten atzo, Iruñean. Egitasmoaren helburua da «tresna erabilgarri bat» eskaintzea Nafarroan eta beste erkidego batzuetan arte eszenikoak «garatzeko». Hala azaldu zuen atzo Ana Maestrojuan elkarteko presidenteak, Iruñean egindako agerraldian, Nafarroako Gobernuko Kultura eta Kirol Departamentuko, Iruñeko Udaleko eta artearen eta kulturaren esparruko zenbait elkartetako ordezkariekin batera.

Proiektua orain aurkeztu duten arren, 2019an du jatorria: urte horretako azaroan eratu zuten, irabazi asmorik gabeko enpresa erakunde gisa, baina, pandemiaren eraginez, haren garapena atzeratu behar izan zuten. Sei dira elkartea osatzen duten enpresa edo taldeak: Acronica Producciones, Hodei Magoa, Global Servicios Culturales, Producciones Maestras, TDiferencia eta Yarleku Antzerkia. «Horiek guztiek ibilbide luzea egin dute antzerki eta magia ikuskizunen ekoizpenean, zuzeneko ikuskizunen laguntza teknikoan eta kultura eta arte proiektuen garapenean», nabarmendu du Maestrojuanek.

Egitasmoa jaio zen Nafarroako eszenako hainbat kultur eragileren arteko topaketa labur batzuen ondoren. Eragile horiek «biltzeko» beharra ikusi zuten, proiektu «ilusionagarri» baten inguruan, aterki komun baten pean. Pandemiaren garairik latzena igarota, une egokia iruditu zaie elkartea martxan jartzeko eta aurkezteko.

Arte eszenikoak garatzeko, sektorea indartzeko eta sektorean dauden elkarte guztiekin lanerako sinergiak sortzeko «lan tresna kolektibo erabilgarria» bihurtzea dute xede. Azken batean, «zubi lana» egitea, Maestrojuanen hitzetan: «Gure lana ikusaraztea, eragile ekonomiko gisa indartzea, eta administrazioko sailekin hitz egiteko eta lan egiteko bideak ezartzea».

Elkartea osatzen duten enpresetako ordezkariek ziurtatu dutenez, haietako «inork» ez zuen zalantzarik izan taldeko kide izateko, herrialdean sektorean zegoen «hutsune bat betetzeko» beharra ikusten baitzuten. Sektorea indartzeko balio dezakeen «ikuspegi osagarria» eman ahal izango dutela uste dute.

Bi ikastaro antolatu dituzte

Dagoeneko prestatu dituzte zenbait ekintza, eta horietako batzuen berri ere eman dute; besteak beste, bi ikastaro eskainiko dituzte, bata arte eszenikoen ekoizpenari lotutako oinarrizko kontzeptuei buruzkoa, eta bestea INAEM Espainiako Arte Eszenikoen eta Musikaren Institutu Nazionalaren laguntza deialdietarako proiektuak egiteko jarraibideei buruzkoa.

Proiektuak «irekia izateko eta hazteko» borondatea du, Maestrojuanek laburbildu duenez: «Pozik azalduko diegu gure proiektua gehiago jakin nahi duten enpresa guztiei. Denok gara Nafarroako kultur sarearen parte, eta gauza askok batzen gaituzte».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Durangoko Azokarako prestaketa lanak, Landakon. / ©Jon Urbe, Foku

Txandaka, baina Landakon

Ainhoa Larretxea Agirre

Txanda sistema sortu dute Landako gunean eta Plateruenan sartzeko. Txanda bakoitzean 1.200 lagun sartuko dira, eta egunean bortz izanen dira.

Aurten ere BERRIAk postu bat izango du Durangoko Azokan. / ©Marisol Ramirez, Foku

Uzta berria ondu du BERRIAk

Ainhoa Larretxea Agirre

Besteak beste, Joan Mari Torrealdaik zendu aitzinetik idatziriko azken liburua eramango du BERRIAk Durangora: 'Egunkaria, gizarte zibilaren arrakasta'.

Berri Txarrak-en liburuaren aurkezpena Ahotsenean, 2019ko Azokan. / ©Marisol Ramirez, Foku

Azokari arnasa ematen diotenak

Ainhoa Larretxea Agirre

Zazpi espaziok osatzen dute Durangoko 56. Azoka: Ahotsenea, Irudienea, Talaia, Kabi@, Saguganbara, Azoka TB eta Szenatokia. Ahotsenean egiten diren aurkezpenak zuzenean emango ditu Azoka TBk

Nerea Mujika Gerediaga Elkarteko zuzendaria eta Leire Urbeltz artista, kartela eskuetan. / ©Monika del Vall, Foku

Iraganari erreferentzia eginez

Ainhoa Larretxea Agirre

Leire Urbeltz artistak egin du Durangoko Azokako kartela, aurten. Kili-kili aldizkariko pertsonaia nagusia egokitu du queer ukitua emanda.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.