Albistea entzun

Gertaera

Bonba abisu faltsua izan da Bilbotik abiaturiko hegaldi batean

Goizean Bizkaiko hiriburutik Coruñara helduriko hegazkin bateko bidaiariak miatu dituzte Galiziako hiriko aireportuan. Azkenean, ez dute lehergailurik topatu.

Coruñako Alvedro aireportuko artxiboko irudi bat.
Coruñako Alvedro aireportuko artxiboko irudi bat. Cabalar Tamaina handiagoan ikusi

Edu Lartzanguren -

2021eko azaroak 19 11:21

Susto ederra gaur goizean Bilbotik Coruñara heldu den hegaldi batean. Bonba mehatxua izan da, eta larrialdi plana aktibatu dute Galiziako hiriko aireportuan. Airekoa eta hegazkina miatu ostean, ez dute lehergailurik topatu, eta abisua faltsua izan dela ondorioztatu dute.

112 zenbakira eginiko dei batez eman zuten abisua. Bi aireportuak harremanetan jarri dira berehala, barneko kanalen bidez. 07:30ean lurreratu da Volotea konpainiako 353 hegaldia. Hegazkina Airbus 319 bat da, eta 111 pertsona zituen barruan, 105 bidaiari eta sei eskifaiakide. Denak daude ongi, konpainiak esan duenez. Bidaiariak gune itxi batera eraman dituzte, eta banan-banan miatu. Aireportua ez dute itxi, edonola ere.

Maletak aztertu dituzte, eta ez dute lehergailurik topatu. Gero, kabina miatu dute. Hainbat hedabidek zabaldu dute bidaiarietako bat atxilotu egin dutela, baina Guardia Zibilak gezurtatu egin du.

Ikusmin eta mobilizazio handia eragin du gertaerak Coruñako aireportuan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Osasungintza publikoaren alde Bilbon egin duten manifestazioa, gaur. ©Aritz Loiola / Foku

Milaka lagun mobilizatu dira osasungintza publikoaren alde Bilbon, Donostian eta Gasteizen

Paulo Ostolaza

ELA, Satse, LAB, CCOO eta UGT sindikatuek deituta, Osakidetzak bizi duen egoera «jasangaitza» salatu dute. Neurriak hartzeko eskatu diote Jaurlaritzari.

Bartzelonako ikastetxe bateko ikasleak gelan, artxiboko irudi batean. ©QUIQUE GARCIA / EFE

Nola ondu hezkuntza lege bat

Irati Urdalleta Lete

Katalunian, adostasun zabal batekin onartutako hezkuntza akordioa eta legea dituzte. Eztabaidarik ez zen falta izan: itunpeko eskolen ingurukoa, autonomiarena... Adostasun osoa puntu bakar batean izan zuten: katalanezko murgiltze ereduan.

 ©BERRIA

OSASUN SISTEMAREN ATE NAGUSIAN, EZINEAN

Arantxa Iraola

Egiturazko gabeziak larriagotzea eragin du COVID-19ak lehen mailako arretan; izurria kudeatzeko hartu diren neurriek ere trabaz bete dute osasun sistemara heltzeko bidea. Osakidetzako langileek deituta, protestak egingo dira gaur.

Rafa Rotaetxe Altzako osasun zentroko atarian. ©GORKA RUBIO / FOKU

«Zentroetara etortzeari utzi dio jende askok»

Arantxa Iraola

Rafa Rotaetxe. 1989tik ari da Altzako osasun zentroan, familia mediku. Izurriak lan zama handia ekarri duela esan du, eta baliabideen urriak eta neurri egokien faltak bidea zailtzen dutela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.