Albistea entzun

Garamendik ez du parte hartuko Autonomia Erkidegoetako Presidenteen Konferentzian

Adierazi du Espainiako Gobernua hitzartutako «aldebiko akordioak behin eta berriz ukatzen» ari dela, eta Sanchezen Gobernuari eskatu dio bete dezala Eusko Jaurlaritzarekin «hitzartutakoa». Garamendik nabarmendu du ez dutela onartuko «Eusko Jaurlaritza gutxiestea».

Olatz Garamendi Gobernantza Publiko eta Autogobernu sailburua
Olatz Garamendi Gobernantza Publiko eta Autogobernu sailburua Raul Bogajo / FOKU Tamaina handiagoan ikusi

Oihane Puertas Ramirez -

2021eko azaroak 26

Olatz Garamendi Jaurlaritzako Gobernantza Publiko eta Autogobernu sailburuak uko egin dio Autonomia Erkidegoetako Presidenteen Konferentziaren Jarraipen eta Sustapen Batzorde Prestatzailean parte hartzeari; besteak beste, Espainiako Gobernua hitzartutako «aldebiko akordioak behin eta berriz ukatzen» ari delako.

Bilera gaur egingo dute, Madrilen, eta Isabel Rodriguez Espainiako Lurralde Politikako ministroak eta estatuko autonomia erkidego bakoitzak izendatutako sailburu eta ordezkariek hartuko dute parte. «Ziurrenik» urtarrilean egingo den autonomietako presidenteen Konferentzia prestatzeaz arduratzen da foroa.

Garamendiren arabera, «ez du zentzurik alde anitzeko foro autonomiko batean parte hartzeak» Pedro Sanchezen Gobernuak «Eusko Jaurlaritzarekin dituen aldebiko akordioak behin eta berriz urratzen dituen bitartean». Horrela, Espainiako Gobernuari eskatu dio bete dezala Eusko Jaurlaritzarekin «hitzartutakoa». Horrez gain, nabarmendu du Gernikako Estatutua ez dela betetzen ari, eta hori onartu eta 42 urtera ere «falta diren transferentzien proposamenik» ez dagoela adierazi du.

Sailburuaren ustez, adostutako aldebiko akordioak ez betetzeak «birzentralizazioa aplikatzen saiatzea dakar». Sanchezen Gobernuari adierazi dio «akordioak betetzeko daudela», eta ez dutela onartuko «Eusko Jaurlaritza gutxiestea»: «Espainiako Gobernuak ulertu behar du hori ez dela bidea». Nabarmendu du «estatuarekin lanean eta negoziatzen» jarraituko duela, «egin gabe dauden transferentziak ekartzeko».

Eusko Jaurlaritzak eta Espainiako Gobernuak maiatzean sinatutako lau transferentziei ere egin die erreferentzia. Eskualdaketa horien garrantzia «aitortu» du, baina zera gaineratu du: «Ez gara iraganeko errentetatik biziko, are gutxiago euskal autogobernua jokoan dagoen honetan, eskubide hori guri dagokigulako eta lege organiko batean jasota dagoelako».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal presoen eskubideen alde urtarrilean Bilbon egindako manifestazioa. ©Aritz Loiola / FOKU

Bertze zazpi euskal preso Euskal Herriratuko dituzte

Maddi Ane Txoperena Iribarren

Asier Garcia, Imanol Miner, Lierni Armendariz, Bittor Franco, Iñaki Reta, Gotzon Aranburu eta Xabier Zabalo dira Euskal Herrira ekarriko dituzten euskal presoak. Eusko Jaurlaritzak erabakiko du zer espetxetara lekualdatuko dituzten.

Joseba Azkarraga, Bego Atxa, Ramon Zallo eta Iñaki Lasagabaster, gaur goizean, Donostian, hausnarketa dokumentua aurkezten. ©Andoni Canellada / FOKU

Espetxe zaintzako eskumena Euskal Herriratzeko eskatu du Sarek

Maddi Ane Txoperena Iribarren

Espetxe Zaintzako Epaitegi Zentralaren jarrera salatu du euskal presoen eskubideen aldeko mugimenduak, hausnarketa txosten batean. 2003az geroztik dago Espainiako Auzitegi Nazionalaren esku.

Iruñeko Baluarte plaza. Orain, Konstituzio plaza izendatu du Navarra Sumak. ©Mgoni4

Navarra Sumak badu bere Konstituzio plaza Iruñean

Uxue Rey Gorraiz

Enrique Maia buru duen Iruñeko Udalak izena aldatu dio orain arte Baluarteko plaza zenari: Konstituzio plaza deitu dute. Plazaren izena azaltzeko plakak urratu egiten du euskararen ordenantza: gaztelania hutsean dago.

 ©ANDONI CANELLADA / FOKU

«Egunetik egunera joan behar dugu indar harremana hobetzen»

Jon O. Urain

Hirugarren kongresu prozesua amaitu du Sortuk, estrategia eta zuzendaritza gaurkotuta. Rodriguezen hitzetan, alderdiaren helburua izango da «duela 60 urte gertatu zenaren moduko herri bulkada bat sustatzea».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.