Bizitza plataformak deituta, izurriaren aurkako neurriak salatu dituzte Bilbon

Stop gizateriaren aurkako krimenak lelopean, ehunka lagunek manifestazioa egin dute gaur arratsaldean Bilbon, Bizitza plataformak deituta. Salatu dute izurriaren aitzakian «nazioarteko araudi guztien aurkako neurriak» ezartzen ari direla; txertoen «ondorio larriez» ohartarazi dute, eta maskara erabiltzearen aurka agertu dira. COVID ziurtagiria «diskriminaziorako dokumentutzat» jo dute, eta «komunikabide nagusiek» gaur egungo egoeraren datuak eta kontakizuna manipulatzen dituztela salatu. Antolatzaileen arabera, lau mila lagun bildu dira protestan.