Iritsi da elurra Euskal Herrira. Goizean goiz 500-600 metrotan egon da elur kota, eta 1.100 inguruan izango da eguna amaitzerako. Euskalmetek, gainera, euri jasa gogorrak iragarri ditu, eta abisua eman du: uholdeak izan litezke, euriaren eta izoztutako uraren ondorioz. Prezipitazioek bihar goizera arte jarraituko dutela jakinarazi dute, eta okerrena gauean eta goizaldean izango dela esan.
Hori ikusita, Eusko Jaurlaritzak Uholdeei Aurre Egiteko Plan Berezia aktibatu zuen atzo, eta gaur goizean zehar neurri hori nahikoa ote den aztertzen ibili dira: 15:00etatik aurrera arrisku maila igotzea erabaki dute.
Nafarroan elurra da arazo nagusia. Herrialdearen erdialdean alerta gorria ezarri dute, izan ere, 600 metrotik gorako tokietan 25 zentimotroko elur lodiera pilatuko dela aurreikusi dute.
Ipar Euskal Herrian, berriz, alerta laranja ezarrita dago biharko 12:00ak arte.
Trafikoari erabat itxita daude Altubeko gaina eta A-15 autobidea.
Eusko Jaurlaritzak jakinarazi duenez, trafikoari itxita daude Altubeko, Barrerillako, Herrerako, Opakuako eta Urduñako gainak, guztiak Araban. Altube da haietako errepiderik garrantzitsuena, eta sarean hainbat erabiltzailek erakutsi dute hango egoera.
Invocando a Dios y a Santa María la Virgen para que las habilidades del conductor del bus no se vean afectadas en el "Puerto de Altube" por la nieve. pic.twitter.com/AGm8uEIDCo
— Alex Bueno (@aleexbueno__) November 28, 2021
Nieve subiendo el puerto de Altube de camino a Bilbao. ðŸšÂÂÂÂÂŒâ„
— Real Zaragoza ðŸ¦ÂÂÂÂÂÂÂðŸ¤ÂÂÂÂÂÂÂðŸÂÂÂÂ’™ (@RealZaragoza) November 27, 2021
âš Zaragocistas, atentos a la predicción meteorológica y cuidado en carretera para venir mañana a Lezama. #AmorebietaRealZaragoza#VamosRZ ðŸ¦Â pic.twitter.com/pyoC6qog2o
Nafarroan, berriz, itxita jarraitzen du A-15 autobideak. Hori da errepide sare nagusian itxita dagoen bakarra. Gipuzkoatik Nafarroara joateko, beraz, ezin da Andoainen hartu A-15a, eta A-1etik jarraitu behar da A-10 autobidearekin bat egin arte. 400 metro inguruko altueran ari du elurra.
