Albistea entzun

2021eko disko eta liburu gogokoenak aukeratzeko bidea jarri du BERRIAk

Aurtengo euskarazko liburu eta diskoak kontsultatu daitezke webgune berezi batean, euskal kultur sorkuntzari ikusgaitasuna emateko, kulturazaleen esku jarri du urteko sorkarien informazioa. Urtarrilaren 10 arte, gogokoenak aukeratu eta zozketa batean parte hartu ahal izango dute nahi duten guztiek.

BERRIA Tamaina handiagoan ikusi

Berria -

2021eko abenduak 9

Urteko liburu eta diskoen erakusleihoa martxan du BERRIAk, eta, orain, gogokoenak aukeratu eta zozketa batean parte hartzeko aukera jarri du. Webgune honetan kontsultatu daitezke urteko sorkuntzak, eta baita gogokoenak aukeratu ere. Parte hartzaile bakoitzak bere gogokoenak diren urteko hiru disko eta hiru liburu aukeratu ditzake gehienez, izena eman, eta zozketa batean parte hartuko du. Urtarrilaren 9 arte izango da gogokoenak aukeratzeko modua, eta urtarrilaren 10ean zozkatuko dituzte Elkarren hogei bonu, kulturan gastatzeko.

Durangoko Azoka topaketa garrantzitsua da euskal sortzaileentzat eta argitaletxe eta diskoetxeentzat, eta egunotan ari dira urteko uztak aurkezten. Euskal kultur sorkuntzan egindako lanaren erakusleiho bat da izan nahi du webguneak, euskal kultura ikusgarri egiteko eta urteko lan guztiak leku bakarrean biltzeko. 2021ean argitaratu diren liburu eta disko guztiak bildu eta erakustea da gunearen asmoa, kulturazaleek erraz kontsultatu eta bilatzeko moduan.

Liburuei dagokienez, euskarara itzulitako lanak ere agertzen dira, ez euskaraz sortuak soilik, eta bilaketak egin litezke titulua edo egilea idatzita. Argitaletxe bakoitzak aurten zer argitaratu duen ere ikus liteke. Horrez gain, literatur generoaren araberako bilaketa ere egin liteke, eta bereizita daude haur literaturako lanak, adinaren arabera. Ia 500 libururen erreferentziak biltzen eta erakusten ditu webguneak.

Diskoei dagokienez, berriz, musika generoaren arabera egin liteke bilaketa, eta baita diskoetxearen arabera ere, ikusteko bakoitzak zer uzta dakarren aurten. Diskoez gainera, disko aurrerapenak eta kantu solteak argitaratu dituzten taldeen berri ere jasotzen du guneak. Era horretako ia 50 lan erakusten ditu, eta disko osoak, berriz, 125 inguru dira.

Liburu edo disko bakoitzak fitxa bat du, sormen lan horren xehetasun guztiekin, eta liburuek badituzte sinopsiak ere, zeri buruz ari diren jakiteko. Liburu edo disko bakoitzari buruz BERRIAk argitaratutako artikuluak, elkarrizketak eta kritikak ere agertzen dira fitxa bakoitzean, obra horri buruzko informazio gehiago eskura izateko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arte eszenikoen dFeria jaialdiaren antolatzaileak eta sustatzaileak, atzo, Donostiako Viktoria Eugenia antzokian egindako aurkezpenean. ©IÑIGO URIZ / FOKU

Oreka izango du ardatz aurtengo dFeria jaialdiak

Alex Uriarte Atxikallende

Arte eszenikoen jaialdia martxoaren 14tik 17ra bitartean egingo dute, Donostiako hainbat agertokitan. Festibala hasi baino bi egun lehenago, ‘pre-feria’ izeneko egitarau berezia izango da.
Leire Vargas, Aner Peritz, Haizea Arana eta Oihana Arana, <em>Erre</em> emanaldiaren sortzaileak. ©LANKU

Kategoriak arrakalatzera

Ane Eslava

Leire Vargasek, Aner Peritzek, Oihana Aranak eta Haizea Haranak 'Erre' saioa estreinatuko dute otsailaren 5ean. Lankuk ekoitzi du
Lautan Hiru jaialdiaren antolatzaileak, gaur, Bilbon. ©Marisol Ramirez / Foku

Lautan Hiru antzerki jaialdia egingo dute laugarrenez Bilboko Zazpikaleetan

Olatz Enzunza Mallona

Euskaltzaindiak, Cafe Bar Bilbaok, Zazpi Katu gaztetxeak eta Bira kulturguneak antolatu dute egitaraua, elkarlanean, eta otsailaren 3an abiatuko da.

Antso Jakituna erregea eta Benjamin Tuterakoa bidaiaria elkarrizketan, Tuterako gazteluko ganberan. ©IÑAKET

Mundua Tuteratik zeharkatzea

Iñigo Astiz

Mikel Begoña gidoigileak eta Iñaki Martinez 'Iñaket' marrazkilariak XII. mendeko Nafarroa multikulturala irudikatu dute 'Benjamin Tuterakoaren bidaia aparta' komiki liburuxkan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.