Albistea entzun

Zazpi positibo atzeman dituzte Gipuzkoako egoitzetan, irailetik lehen aldiz

PCR proban positibo emandako egoiliarrak Eibarko Ospitaleko COVID-19 erreferentzia zentrora eraman dituzte, «birusa egoitzen barruan zabaltzea eragozteko»

Donostiako zahar etxe batek egoiliarrak.
Donostiako zahar etxe batek egoiliarrak. GORKA RUBIO / FOKU Tamaina handiagoan ikusi

Berria -

2021eko azaroak 29

Gipuzkoako Foru Aldundiak azaldu duenez, azken egunetan zazpi COVID-19 kasu positibo atzeman dituzte Gipuzkoako lau egoitzatako egoiliarren artean: kasu bat San Jose de la Montañan (Donostia), bi Caser Anakan (Irun), bat San Andresen (Eibar), eta hiru Gurutze Gorrian (Donostia). PCR proban positibo emandako egoiliarrak Eibarko Ospitaleko COVID-19 erreferentzia zentrora eraman dituzte, «prebentzioagatik eta birusa egoitzen barruan zabaltzea eragozteko».

Gipuzkoako egoitzetan bizi diren adinekoek irailetik urrira bitartean hartu zuten txertoaren hirugarren dosia. Maite Peñak, Gipuzkoako Foru Aldundiko Gizarte Politikako diputatuak, gogorarazi du txertoak ez duela birusaz kutsatzea eragozten: «Gaitzaren sintoma larriak garatzea prebenitzen du». Uneotan «egoeraren bilakaerari adi» segitzen dutela gaineratu du, PCR proba gehiago egiten, «egoitzetako erabiltzaileen eta langileen artean egon daitezkeen kasu positiboak atzemateko».

Azken positiboa irailaren 27an hauteman zen, eta urriaren 19tik ez da kasu aktiborik izan Gipuzkoako adinekoen egoitzetan. «Erne jarraitzen dugu, prebentzio eta segurtasun neurri guztiak betetzen», esan du Peñak. Egoitzak «komunitatearekin konektatutako espazioak» direla gaineratu du, eta horrek arriskua areagotzen duela: «Bisitak, sartu-irtenak... ezin gara lasaitu, birusak gure artean jarraitzen duelako eta kutsatze komunitarioa handitzen ari delako».

Gipuzkoako Foru Aldundiak «ezohiko neurriak» hartu ditu «birusak komunitatean duen intzidentzia handia dela eta», besteak beste egoitzetako langileei PCR proba diagnostikoak areagotzea. Langileen diagnostikorako PCR listu probak ere aktibatu dituzte, zahar etxeetan egiten diren ohiko PCRen osagarri. Egoitzetako langileek 15 egunean behin listu proba diagnostiko bat egingo dute txertatuta egonez gero, eta, txertoa hartu ez duten langileen kasuan, proba astean behin egin beharko da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Heriotzak lehengora itzuli dira Gipuzkoan ez beste tokietan

Heriotzak lehengora itzuli dira Gipuzkoan ez beste tokietan

Mikel P. Ansa

2020an heriotzak izugarri ugaritu ziren, eta 2021ean lehengora itzuli dira, iaz baino 2.700 jende gutxiago hilda. Gipuzkoan heriotzak ez dira hain nabarmen gutxitu, eta Iparraldean ugaritu egin dira. Grafiko interaktiboak, albistearen barruan.

«Euskararen inposizioaz hitz egitea gorroto diskurtso bat da»

«Euskararen inposizioaz hitz egitea gorroto diskurtso bat da»

Ion Orzaiz

Euskararen erabilera sustatzea, administrazioan profil linguistikoak ezartzea eta zarata mediatikoa apaltzea xedetzat jo du Ollo kontseilariak. Onartu du, hala ere, desadostasun nabarmenak daudela gobernu barruan
Parisen eginiko protesta baten irudi bat. ©IAN LANGSDON

Frantziako Parlamentuak sexu orientazioa aldatzeko «terapiak» debekatu ditu

Nagore Arin

Frantziako Parlamentuak aho batez onartu du Frantziako Asanblearen lege proposamena. Aurrerantzean, hiru urte arteko kartzela zigorra ezarri ahalko diete praktika horiek egiten dituztenei.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.