Albistea entzun

Barbados

Barbadosek Ingalaterrako koroa baztertu du, eta errepublika aldarrikatu du

Sandra Mason presidente izendatu dute, Bridgetown hiriburuan eginiko ekitaldi arranditsu batean.

Barbadoseko Lehen ministro Mottley, Mason presidentea, Rihanna eta Charles Mountbatten-Windsor, ekitaldian.
Barbadoseko Lehen ministro Mottley, Mason presidentea, Rihanna eta Charles Mountbatten-Windsor, ekitaldian. BERRIA Tamaina handiagoan ikusi

Edu Lartzanguren -

2021eko azaroak 30 10:20

Munduak beste errepublika bat du. Barbadosek estatuburutzatik kendu du Ingalaterrako Elizabeth II.a, eta bere burua errepublika aldarrikatu du. Sandra Mason presidente izendatu dute, Euskal Herrian gaua zenean eginiko ekitaldi arranditsu batean.

Karibeko uharte bat da Barbados, ia 300.000 biztanlekoa. 1966. urtean independentzia lortu zuen, baina Commonwealth delakoan geratu zen, eta Ingalaterrako monarka estatuburu gisa gorde zuen.

Gatazkarik gabeko dibortzioa izan da, ordea. Izan ere, Bridgetownen eginiko ekitaldian, Charles Mountbatten-Windsor Elizabeth II.aren semea mintzatu da, besteak beste, eta aitortu egin du «esklabotzaren izugarrikeria». 1625an aldarrikatu zuten ingelesek uhartearen jabetza, eta mende horretan eraman zituzten esklabo beltzak hango etxaldeetan lan egitera. Esklabotza 1833. urtean abolitu zuten. Gaur, uhartearen populazioaren %91 beltza da, eta bakarrik %4 da zuria.

Egoera instituzionala aldatu bada ere, Erresuma Batuaren eta Barbadosen arteko loturei eutsiko dietela adierazi zuen monarkiaren ordezkariak, eta erreginak «zoriona, bakea eta etorkizunerako oparotasuna» opatu zion errepublika berriari.

Herrialdeko lehen presidenteak 72 urte ditu, eta uhartearen gobernadorea izan da 2018. urtetik. Barbadosko Itsasontzi Errepublikak lehen bidaia hasi du», esan du Masonek ekitaldian. «Ekaitz guztien gainetik egin dezala, gure herrialdea eta herritarrak gure aurrean dauden ostertz eta kostaldeetan lehorreratzeko».

Iragarri dutenez, errepublikaren lehenengo erabakietako bat Rihanna abeslaria heroi nazional izendatzea izango da. Izan ere, Robyn Rihanna Fenty musikaria herrialdeko Saint Michael hirian jaio zen, 1988. urtean. Kantariak parte hartu du ekitaldian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kosovoko lurraldea irudikatzen duen horma irudi bat, gainean <em>serbiarra</em> idatzia duela. ©ANDREI CUKIC / EFE

EBk dei egin die Serbiari eta Kosovori «malgu» jokatzeko, harremana normalizatzeko

Gorka Berasategi Otamendi

NATOk adierazi du esku hartzeko prest dagoela Balkanak ezegonkortzen badira. Vucicek bilera batera deitu ditu Kosovoko serbiarrak, iganderako

Bi emakume elkar besarkatzen, bonbek suntsitutako eraikin baten aldamenean, Kharkiven. ©VASILIY ZHLOBSKY / EFE

Errusiak ez du baztertzen Zaporizhiako zentrala ixtea

Arantxa Elizegi Egilegor

Zentral nuklearraren aurkako sabotaje bat prestatzea egotzi diote Moskuk eta Kievek elkarri. Hamabost lagun hil dituzte Kharkiven

Langile bat atseden hartzen Butxako hilerrian, Kiev iparraldean. Dozenaka hilotz agertu ziren hirian, Errusiako tropak erretiratu ostean. ©ROMAN PILIPEY / EFE

Errusiaren azpiegitura militarretatik urruntzeko eskatu die Kievek herritarrei

Arantxa Elizegi Egilegor

Erdoganekin eta Zelenskirekin bilduko da gaur NBEko idazkari nagusia Lviven. Moskuk ohartarazi du IAEAren misioak ezin duela desmilitarizazioa agindu

Pakistango herritarrak, montzoi garaiko euriteen ondorioz urak hartutako kaleetan, Karachin. ©XAHZAIB AKBER / EFE

Pakistanen gutxienez 635 lagun hil dira montzoi sasoiko uholdeetan

Gorka Berasategi Otamendi

Balutxistanen aurreko urteetan egin duen euria halako hiru bota du. Milioi bat lagun daude elikadura segurtasunik ezan gelditzeko zorian

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...