Albistea entzun

Txertoak aldaera berrira moldatzeko hiru edo lau hilabete beharko direla dio EMAk

Derrigorrezko txertaketa ezartzeko lehen urratsa egin du Austriak. Greziak ehun euroko isuna ezarriko die txertatzen ez diren 60 urtetik gorako herritarrei.

Pertsona bat maskara duen aurpegi baten irudiren aurretik igarotzen, Johannesburgen. /
Pertsona bat maskara duen aurpegi baten irudiren aurretik igarotzen, Johannesburgen. / Kim Ludbrook/EFE Tamaina handiagoan ikusi

Arantxa Elizegi Egilegor -

2021eko azaroak 30

EMA Sendagaien Europako Agentziako buru Emer Cookek iragarri du hiru edo lau hilabete beharko dituztela egun dauden txertoak aldaera berrira egokitzeko. Europako Parlamentuan egin duen agerraldian zehaztu du, hala ere, goizegi dela esateko txertoak moldatzea beharrezkoa izango ote den edo gaur egun daudenekin nahikoa izango den. «Oraindik ez dakigu ziur beharrezkoa izango ote den, baina, hala balitz, prest gaude. Okerrenari aurre egiteko prest gaude», azaldu du Cookek. Haren esanetan, egun dauden txertoak baliagarriak dira Europan gehien zabaldutako aldaerei aurre egiteko, baina azaldu du birusa mutatzen ari denez egunen batean txertoak ere moldatu beharko dituztela: «Horretarako, aintzat hartu beharko dugu egoera epidemiologikoa, aldaera berria zenbateraino dagoen zabalduta, eta herritarren adina eta txertaketa maila».

Bien bitartean, Austriak aurrera jarraitzen du otsailetik aurrera derrigorrezko txertaketa indarrean sartzeko prozeduran. Datorren astean aurkeztuko du horretarako lege proiektua, hilabeteko epean parlamentuak onartu eta otsailean indarrean sar dadin. Zehazteko dago, dena den, zer adinetatik gora izango den derrigorrezkoa txertatzea, zenbat dosi behar izango diren eta legea zenbat denboran egongo den indarrean —zenbait adituren arabera, arauak ez luke zentzurik herritarren %75 baino gehiago txertatuta daudenean—. Aurreratu dutena izan da araua betetzen ez dutenei 7.200 eurorainoko isuna jar diezaieketela. Austrian ez ezik, Alemanian ere gero eta gehiago dira neurri bera ezartzearen aldekoak, tartean abenduan kantziler kargua hartuko duena, Olaf Scholz sozialdemokrata.

Irlandak, berriz, iragarri du txertaketa ziurtagiria ez ezik test negatiboa ere eskatuko diela herrialdean sartzen diren guztiei, baita Erresuma Batutik joaten direnei ere. Ostiraletik aurrera sartuko da indarrean neurria, eta berdin balioko du txertoaren bi dosiak hartu dituztenentzat zein gaitza gainditu dutenentzat. Afrika hegoaldeko herrialdeetatik doazenentzako baimenak murriztu dituzte, eta aurreratu dute horiek berrogeialdia egin beharko dutela. Irlandak ez du oraindik aldaera berriaren kasurik baieztatu, baina 11 kasu ikertzen ariko litzateke.

OME Osasunaren Mundu Erakundeak gogor kritikatu ditu herrialdeek hartutako hainbat neurri; besteak beste, Afrika hegoalderako hegaldiak etetearena. Tedros Adhanom idazkari nagusiaren iritziz, «ulergarria» da aldaera berriak kezka eragitea, baina hartzen diren neurriek «arrazoizkoak» behar dute izan, nazioarteko osasun aholkuetan oinarrituak. Europako eta Asiako hainbat estatuk erabaki dute Afrika hegoalderako hegaldiak behin-behinean etetea, baina gaur jakin da Hegoafrikak aldaera berriaren berri eman baino egun batzuk lehenago agertu zela hura Herbehereetan. Amsterdamgo gobernua ikertzen ari da positibo emandakoak Hegoafrikan izan ote diren azken asteetan. Alemanian, berriz, inoiz Afrika hegoaldean egon ez den 39 urteko gizonezko batek positibo eman du omikron aldaeran. Leipzigen izan da, Saxonia eskualdean, COVID-19a zabalduen dagoen landerretako batean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kosovoko lurraldea irudikatzen duen horma irudi bat, gainean <em>serbiarra</em> idatzia duela. ©ANDREI CUKIC / EFE

EBk dei egin die Serbiari eta Kosovori «malgu» jokatzeko, harremana normalizatzeko

Gorka Berasategi Otamendi

NATOk adierazi du esku hartzeko prest dagoela Balkanak ezegonkortzen badira. Vucicek bilera batera deitu ditu Kosovoko serbiarrak, iganderako

Bi emakume elkar besarkatzen, bonbek suntsitutako eraikin baten aldamenean, Kharkiven. ©VASILIY ZHLOBSKY / EFE

Errusiak ez du baztertzen Zaporizhiako zentrala ixtea

Arantxa Elizegi Egilegor

Zentral nuklearraren aurkako sabotaje bat prestatzea egotzi diote Moskuk eta Kievek elkarri. Hamabost lagun hil dituzte Kharkiven

Langile bat atseden hartzen Butxako hilerrian, Kiev iparraldean. Dozenaka hilotz agertu ziren hirian, Errusiako tropak erretiratu ostean. ©ROMAN PILIPEY / EFE

Errusiaren azpiegitura militarretatik urruntzeko eskatu die Kievek herritarrei

Arantxa Elizegi Egilegor

Erdoganekin eta Zelenskirekin bilduko da gaur NBEko idazkari nagusia Lviven. Moskuk ohartarazi du IAEAren misioak ezin duela desmilitarizazioa agindu

Pakistango herritarrak, montzoi garaiko euriteen ondorioz urak hartutako kaleetan, Karachin. ©XAHZAIB AKBER / EFE

Pakistanen gutxienez 635 lagun hil dira montzoi sasoiko uholdeetan

Gorka Berasategi Otamendi

Balutxistanen aurreko urteetan egin duen euria halako hiru bota du. Milioi bat lagun daude elikadura segurtasunik ezan gelditzeko zorian

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...