Albistea entzun

Eusko Jaurlaritzak irakasleak omendu ditu

Bilbon egin dute ekitaldia, eta bertan izan dira hezkuntzako hainbat eragiletako ordezkariak, Iñigo Urkullu eta Jokin Bildarratz. Hedabideetan kanpaina bat ere abiatu dute, «irakasleen lana aitortzeko».

Gaur irakasleei egindako omenaldia, Bilbon
Gaur irakasleei egindako omenaldia, Bilbon IREKIA Tamaina handiagoan ikusi

Irati Urdalleta Lete -

2021eko abenduak 1

Irakasleen lana eskertzeko ekitaldi bat egin dute, gaur, Bilbon, Eusko Jaurlaritzak antolatuta. Iñigo Urkullu Eusko Jaurlaritzako lehendakaria eta Jokin Bildarratz Hezkuntza sailburua ez ezik, bertan izan dira hainbat irakasle, familien eta sare publikoaren eta itunpekoaren ordezkariak eta EAEko Eskola Kontseiluko kideak ere.

Oholtza gainean izan dira erretiroa hartu berri duten lau irakasle, baita aurten lan horretan hasi diren beste lau irakasle ere. Horrela, «belaunaldi erreleboa» irudikatu nahi izan dute, Hezkuntza Sailaren hitzetan.

Gainera, kanpaina bat ere abiatu dute hedabideetan, «irakasleen lana aitortzeko»: «Bilbon egin den ekitaldiak, baita gaur bertan komunikabideetan abiatuko den kanpainak ere irakasleen lana, konpromisoa eta inplikazioa nabarmendu nahi dituzte, hainbat belaunalditako maisuek eta andereñoek irakasteko eta berritzeko erakutsi duten grina txalotzearekin batera». Azaldu dutenez, kultura, zientzia, komunikazio eta kirol arloetan ezagunak diren pertsonak dira kanpainako protagonistak, eta haurtzaroko edo nerabezaroko irakasleren batek utzitako «arrasto sakona» kontatzen dute bideo batzuetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Urte judizialaren irekiera ekitaldia, atzo, Bilbon. ©MIGUEL TOÑA / EFE

Botere judizialaren ospea galtzeko arriskuaz ohartarazi du Urkulluk

Gotzon Hermosilla

EAEko urte judizialari hasiera emateko ekitaldia egin dute Bilbon. Urkulluk kezka azaldu du Espainiako Botere Judizialaren Kontseilu Nagusiaren blokeoaz
Euskaraldiaren aurkezpena, atzo arratsaldean, Baionan. ©GUILLAUME FAUVEAU

Euskal Elkargoak Euskaraldirako ariguneak identifikatuko ditu

Ekhi Erremundegi Beloki

Euskaraldia kari, Euskal Herri osoan sortuko diren batzordeak eta dinamikak iraunarazten entseatu nahi dute aurtengo aldian
Sansoheta auziko epaituak, epaiketaren lehen egunean. ©JAIZKI FONTANEDA / FOKU

Sansohetako auziko sei akusaturentzat 34 urterainoko zigorrak eskatu ditu fiskalak

Irati Urdalleta Lete

Guztira, hamar gizonezko eseri dira akusatuen aulkian, baina beste laurek aurreakordioa erdietsi dute, eta zigor arinagoak jarriko dizkiete
Klima larrialdia salatzeko protesta bat, iaz, Bilbon. ©ARITZ LOIOLA / FOKU

Krisi ekologikoari buruz podcast bat eta buletin bat abiatu ditu BERRIAk

Mikel P. Ansa

Kinka. Klima eta natura krisian podcasta gaurtik aurrera entzun liteke, eta hamabostero atal berri bat kaleratuko dute. Albiste buletin bat ere zabaltzen hasiko dira, urriaren 20tik aurrera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...