Albistea entzun

Kartela

Iraganari erreferentzia eginez

Leire Urbeltz artistak egin du Durangoko Azokako kartela, aurten. Kili-kili aldizkariko pertsonaia nagusia egokitu du queer ukitua emanda.

Nerea Mujika Gerediaga Elkarteko zuzendaria eta Leire Urbeltz artista, kartela eskuetan. /
Nerea Mujika Gerediaga Elkarteko zuzendaria eta Leire Urbeltz artista, kartela eskuetan. / Monika del Vall/Foku Tamaina handiagoan ikusi

Ainhoa Larretxea Agirre -

2021eko abenduak 2 08:38

Bada! Horixe du Durangoko 56. Azokak leloa. Pandemiak pandemia, azokak bizirik dagoela erakutsiko du, baita koloretsua dela ere, eta hori erakusten du kartelak ere bere kolore ugariekin. Ukitu «retroarekin» eta atzera begira jarrita ondu du Leire Urbeltz Iruñeko diseinatzaileak aurtengo afixa. Kulturaren arloan ezereza zegoen garaiari erreferentzia eginez sortu du kartela Urbeltzek: «Denborarekin paralelismo bat eginez, urte edo garai gris bat pasatu dugu pandemiarekin, eta aurten azoka baldin bada ere, iaz ez zen egon. Nolabait, ezerezetik gertu dagoen pauso horretan inspiratu naiz. Erreferentzia egin nahi nien 60ko hamarkadako garai gris haietan —ezereza zegoenean— azoka sortu zuten gazte haiei. Omendu nahi nituen»

Kili-kili aldizkarian oinarritu da kartela egiteko eta , bertako pertsonaia nagusia izan du gogoan. Haren bi bertsio eguneratu ditu: Kili eta Kuir. «Iraganeko Kili-kili pertsonaia horri aipamena eginez baina gaur egungo queer teoriei lekua emanez. Gaur egungo berrikuspenak zeharkatuta», nabarmendu du.

Desipuindegia paratu dio izena kartelari. Rikardo Arregiren testu batetik hartu edo, berak erran gisan, «lapurtu» du kontzeptua: «Joseba Sarrionandiak azokari buruz idatzitako testu batean Rikardo Arregiren esaldi bat aipatzen du. Arregik esaten zuen garai hartako gazteak nolabaiteko desipuintzaileak zirela. Konberntzionalismo guztiak deseraiki behar zirela gauza berriak sortzen hasteko, eta asko gustatu zitzaidan hitza bera, desipuindegia».

Kartela egiteko ohorea

Pozez jaso du artista iruindarrak kartela egiteko eskaria. «Ohorea izan da», nabarmendu du. Azoka urteroko planetan presente izan duen egitasmo bat dela azaldu du, eta ez zukeela inoiz ere pentsatuko kartela egiteko aukera izango zukeenik. Irudia egiteko Sorland agentziarekin izandako elkarlanaz ere mintzo da: «Agentziako sormen taldeak leloa eta beren desioak definituak zituen, eta uste dut nire lana aukeratu zutela, zerbait koloretsua eta dibergentea egin nezakeelako, forma eta kolore askoko zerbait proposatu ahal nielako».

Paperean eta muralean lan egitera ohitua bada ere, bertze teknika bat erabili du afixa egitean: «Irudiak euskarri askotan izan behar du hedapena, eta interesgarria iruditzen zitzaidan tabletan egitea, marrazten duzuna oso fidel jasotzen duelako, oso organiko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

dFeria jaialdiko antolatzaile eta sustatzaileak, gaur, Donostiako Viktoria Eugenia antzokian egindako aurkezpen agerraldian. ©Iñigo Uriz / FOKU

Oreka izango du ardatz aurtengo dFeria jaialdiak

Alex Uriarte Atxikallende

Arte eszenikoen dFeria jaialdia martxoaren 14tik 17ra bitartean egingo dute, Donostiako hainbat agertokitan. Festibala hasi baino bi egun lehenago, ‘pre-feria’ izeneko egitarau berezia izango da.

Lautan Hiru jaialdiaren antolatzaileak, gaur, Bilbon. ©Marisol Ramirez / Foku

Lautan Hiru antzerki jaialdia egingo dute laugarrenez Bilboko Zazpikaleetan

Olatz Enzunza Mallona

Euskaltzaindiak, Cafe Bar Bilbaok, Zazpi Katu gaztetxeak eta Bira kulturguneak antolatu dute egitaraua, elkarlanean, eta otsailaren 3an abiatuko da.

Antso Jakituna erregea eta Benjamin Tuterakoa bidaiaria elkarrizketan, Tuterako gazteluko ganberan. ©IÑAKET

Mundua Tuteratik zeharkatzea

Iñigo Astiz

Mikel Begoña gidoigileak eta Iñaki Martinez 'Iñaket' marrazkilariak XII. mendeko Nafarroa multikulturala irudikatu dute 'Benjamin Tuterakoaren bidaia aparta' komiki liburuxkan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.