Albistea entzun

Alemania, derrigorrezko txertaketa onartzeko bidean

Merkelek jakinarazi du nahitaezko txertaketa ezartzeaz bozkatuko dutela diputatuek; otsailean sartuko litzateke indarrean. Txertorik hartu ez dutenak ezingo dira sartu jatetxeetan, tabernetan eta dendetan.

Angela Merkel eta Olaf Scholz, gaurko agerraldian.
Angela Merkel eta Olaf Scholz, gaurko agerraldian. FILIP SINGER / EFE Tamaina handiagoan ikusi

Ander Perez Zala -

2021eko abenduak 2

Gobernu eta agintari aldaketarako astebete baino gutxiago falta den honetan, Alemanian koronabirusaren pandemiari aurre egiteko neurri murriztaileak hartu dituzte berriz ere. Angela Merkel jarduneko kantzilerrak jakinarazi duenez, Bundestageko diputatuek derrigorrezko txertaketa ezartzeaz bozkatuko dute, eta, hori onartuz gero —badirudi hala egingo dutela—, neurria datorren otsailean sartuko litzateke indarrean.

Merkelen arabera, egungo egoera «oso larria» da, eta beharrezkoa da herritarrek «elkartasun nazionaleko ekintza bat» egitea. Kantzilerra nahitaezko txertaketaren aurka agertu izan da, baina intzidentzia tasaren eboluzioak iritzia aldarazi dio; zenbait iturriren arabera, Olaf Scholz karguan haren ondorengoa neurri horren alde agertu da, eta baliteke iritzi hori erabakigarria bilakatu izana gobernuaren jarrera aldatzeko.

«Ez daukagu nahikoa jende txertatuta. Badakigu [egoera] horrek ondorioak dituela», adierazi du Scholzek, Merkelekin batera egindako agerraldian. Austriak jada hartua du txertoa derrigorrezko bihurtzeko erabakia, baita Greziak ere 60 urtetik gorakoentzat.

Alemaniako jarduneko kantzilerrak azaldu du zenbait neurri murriztaile hartu dituztela, batez ere txertorik gabekoei begirakoak. Hala, horiek soilik supermerkatuetan, okindegietan eta farmazietan sartu ahalko dira osasun ziurtagiria erakutsi gabe. Alemaniako hedabideen arabera, de facto konfinamendu bat izango da dosia hartu ez duten herritarrentzat —%30 inguru dira—.

Gainera, intzidentzia tasa 350etik gorakoa —100.000 biztanleko— duten eremuek itxi egin beharko dituzte diskotekak, eta toki itxietako bilkurak 50 lagunera mugatuko dituzte; kanpokoen kasuan, 200era. Betiere, horietako parte hartzaileak txertatuta baldin badaude edo gaitza gainditu baldin badute. Horrez gain, maskararen erabilera derrigorrezkoa izango da ikastetxeetan.

Alemaniako intzidentzia tasa 439,2koa da, eta herrialdeko eremu batzuetan mila positiboren berri ematen ari dira egunero.

Scholz, asteazkenetik aurrera

Pandemiari buruzko neurri murriztaile horiek jakinarazi aurretik, Bundestageko iturriek azaldu dute datorren asteazkenean egingo dutela Scholz herrialdeko kantziler izendatzeko bozketa. Hautagai sozialdemokratak hiruko koalizioa osatuko du ekologistekin eta liberalekin, eta, hortaz, hari egokituko zaio koronabirusari buruzko erabakiak hartzea, Osasun ministro berriarekin batera.

Hiru alderdien arteko ituna aurkeztean, Scholzek argi utzi zuen koronabirusari aurre egitea haren agintaldiko lehentasunetako bat izango dela. Neurriei buruz, adierazi zuen Gabonetarako beste 30 milioi txerto jarri nahi dituztela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©DANI CODINA / BERRIA

«Estatuak lortu nahi zituen ondorioak ekarri ditu errepresioak»

Carme Porta

JxCren idazkari nagusiak «oinarrizko gobernu akordioa berreskuratu» eta «autoexijentziari berriz heltzea» nahi du: «Kontua ez da dena aldatzea, baizik eta gu aktibatzea, eta proposamenak aztertzea bateragarriak izateko».

Pere Aragones, atzoko hitzartzean-. ©EFE

ERCk esan du ez dituztela aurreratuko hauteskundeak

Mikel Elkoroberezibar Beloki - Gorka Berasategi Otamendi

ERCk adierazi du Kataluniako Gobernuak aurrera jarraituko duela JxCk erabakitzen duena kontuan izan gabe. JxCeko zuzendaritza bilduta dago.

Vladimir Putin, aste honetan egindako agerraldi batean. ©EFE

Putin bihar da sinatzekoa Ukrainan okupatutako eremuen anexioa

Igor Susaeta

Kremlinek jakinarazi du Zaporizhia, Kherson, Donetsk eta Luhansk Errusiaren Federazioko kide bihurtzeko hitzarmenak sinatzekoa dela.

Amazoniako eremu deforestatu bat, artxiboko irudia ©Proética

Klima aldaketaren politiketan herri indigenen jakintza kontuan hartzeko eskatu dute

Isabel Jaurena

Txosten batek dio herri indigenek «arazo global konplexuei aurre egiteko ulermen modu alternatiboak» dituztela

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...