Albistea entzun

Hasi da azoka digitala

Dagoeneko salgai daude azokaren 56. aldian egongo diren 990 nobedadeak: 733 liburu, 143 disko, 37 aldizkari eta bestelako 77 produktu. Bihar hasiko da azoka presentziala, 10:00etan.

Durangoko Azokako lehen eguna, azoka digitala.
Durangoko Azokako lehen eguna, azoka digitala. Andoni Canellada Tamaina handiagoan ikusi

Berria -

2021eko abenduak 3

Dagoeneko martxan da Durangoko Azokako denda digitala. Goizean goiz jarri dute martxan, eta dagoeneko salgai dira azokaren 56. aldian egongo diren 990 nobedadeak: 733 liburu, 143 disko, 37 aldizkari eta bestelako 77 produktu. Egun ez-presentziala da gaur: ez da ekitaldi presentzial eta jendetsurik egingo, eta Durangoko Azoka ireki ohi duen ikasle eguna ere beste era batean egiten ari dira. Lehiaketa berezi bat antolatu dute Lehen Hezkuntzako eta DBH zein Batxilergo mailetako ikasleentzat.

PortaDA! gisa izendatu dute erronka, eta euskarazko liburu eta diskoak ezagutzeko eta gaztetxoen sorkuntza sustatzeko helburuarekin antolatu dute. Euskal Herriko ikastetxe ugari batu dira erronkara, eta Sopelako (Bizkaia) eta Azkoitiko (Gipuzkoa) bi ikastetxe izan dira garaileak: Sopelako Ander Deuna Ikastolako kideek irabazi dute Lehen Hezkuntzako garaikurra; DBH eta Batxilergoko kategorian, berriz, Azkoitia BHI ikastetxeak irabazi du.

Larunbatean hasiko da azoka presentziala, unibertso hori berezko egiten duten erakusmahai, aurkezpen, solasaldi, kontzertu eta bestelako anitzekin. Goizean irekiko ditu ateak, eta,10:00etatik aurrera, ordu eta erdiko bost txandatan sartu ahalko dira bisitariak —10:00etatik 11:30era, 12:00etatik 13:30era, 14:00etatik 15:30era, 16:00etatik 17:30era eta 18:00etatik 19:30era, hurrenez hurren—. Txandetan izena eman daiteke dagoeneko durangokoazoka.eus webgunean.

Plateruena edo Ahotsenean Zuzenekoak gunean egingo diren kontzertuetarako ere txanda hartu beharko da lehenago. Kasu horretan, txanda independenteak izango dira, kontzertu bakoitzeko txanda bat. Egunero hamar talde edo bakarlari igoko dira oholtzara: 11:00etan hasiko da lehena, eta gehienez 22:00etan amaituko du azken taldeak. Landako eta Plateruena espazioez gain, beste hainbat gune ere egongo dira —Szenatokia, Irudienea, Saguganbara, Kabi@, Talaia eta Ahotsenea solasaldiak—, eta, horietara sartzeko, ez da aurrez erreserbarik egin beharko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arte eszenikoen dFeria jaialdiaren antolatzaileak eta sustatzaileak, atzo, Donostiako Viktoria Eugenia antzokian egindako aurkezpenean. ©IÑIGO URIZ / FOKU

Oreka izango du ardatz aurtengo dFeria jaialdiak

Alex Uriarte Atxikallende

Arte eszenikoen jaialdia martxoaren 14tik 17ra bitartean egingo dute, Donostiako hainbat agertokitan. Festibala hasi baino bi egun lehenago, ‘pre-feria’ izeneko egitarau berezia izango da.
Leire Vargas, Aner Peritz, Haizea Arana eta Oihana Arana, <em>Erre</em> emanaldiaren sortzaileak. ©LANKU

Kategoriak arrakalatzera

Ane Eslava

Leire Vargasek, Aner Peritzek, Oihana Aranak eta Haizea Haranak 'Erre' saioa estreinatuko dute otsailaren 5ean. Lankuk ekoitzi du
Lautan Hiru jaialdiaren antolatzaileak, gaur, Bilbon. ©Marisol Ramirez / Foku

Lautan Hiru antzerki jaialdia egingo dute laugarrenez Bilboko Zazpikaleetan

Olatz Enzunza Mallona

Euskaltzaindiak, Cafe Bar Bilbaok, Zazpi Katu gaztetxeak eta Bira kulturguneak antolatu dute egitaraua, elkarlanean, eta otsailaren 3an abiatuko da.

Antso Jakituna erregea eta Benjamin Tuterakoa bidaiaria elkarrizketan, Tuterako gazteluko ganberan. ©IÑAKET

Mundua Tuteratik zeharkatzea

Iñigo Astiz

Mikel Begoña gidoigileak eta Iñaki Martinez 'Iñaket' marrazkilariak XII. mendeko Nafarroa multikulturala irudikatu dute 'Benjamin Tuterakoaren bidaia aparta' komiki liburuxkan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.