Albistea entzun

Bizkaiko Bertsolari Txapelketa

Nerea Ibarzabalek irabazi du Larrabetzuko finalaurrekoa, eta osatu da finala

Jone Uria bigarren sailkatu da gaur, eta bera ere Bilboko finalean izango da, hilaren 18an

Nerea Ibarzabal, gaurko saioan.
Nerea Ibarzabal, gaurko saioan. Foku Tamaina handiagoan ikusi

Berria -

2021eko abenduak 4

Nerea Ibarzabal nagusitu da, gaur, Larrabetzuko pilotalekuan jokatutako Bizkaiko Bertsolari Txapelketako hirugarren eta azken finalaurrekoan, 542,5 puntu eskuratuta. Frontoia 700 bertsozalek bete dute, eta giro beroa izan da bertan.

Horrela gelditu dira gaurko puntuazioak

1. Nerea Ibarzabal Salegi(542,5)
2. Jone Uria Albizuri (534)
3. Txaber Altube Sarrionandia (483)
4. Ander Elortegi Garatea (477)
5. Eneko Abasolo Txabarri 'Abarkas' (469)
6. Julen Arzanegi Erezuma (436,5)

Gaurkoan, Itxaro Juaristi Olaetxeak egin ditu gai-emaile lanak. Epaimahaian jardun dutenak Alaitz Etxanobe Bereziartua, Ander Arrien Aspiazu, Ander Txakartegi Basterretxea, Graxi Arregi Leonardo, Joseba Santxo Uriarte eta Miriam Juaristi Urizar izan dira.

Finalistak, erabakita

Gaurko saioa jokatuta, erabakita geratu da zeintzuk izango diren Bizkaiko Bertsolari Txapelketako finalean kantatuko duten zortzi bertsolariak. Finala hilaren 18an jokatuko da, Bilbo Arenan.

Aitor Bizkarra Ruiz
Aitor Etxebarriazarraga Gabiola
Etxahun Lekue Etxebarria
Gorka Pagonabarraga Agorria
Jone Uria Albizuri.
Nerea Ibarzabal Salegi
Onintza Enbeita Maguregi
Xabat Galletebeitia Abaroa

Zortzi horiez gain, Euskal Herriko Txapelketa Nagusian kantatzeko sailkatu dira Miren Amuriza Plaza eta Oihana Bartra Arenas ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

dFeria jaialdiko antolatzaile eta sustatzaileak, gaur, Donostiako Viktoria Eugenia antzokian egindako aurkezpen agerraldian. ©Iñigo Uriz / FOKU

Oreka izango du ardatz aurtengo dFeria jaialdiak

Alex Uriarte Atxikallende

Arte eszenikoen dFeria jaialdia martxoaren 14tik 17ra bitartean egingo dute, Donostiako hainbat agertokitan. Festibala hasi baino bi egun lehenago, ‘pre-feria’ izeneko egitarau berezia izango da.

Lautan Hiru jaialdiaren antolatzaileak, gaur, Bilbon. ©Marisol Ramirez / Foku

Lautan Hiru antzerki jaialdia egingo dute laugarrenez Bilboko Zazpikaleetan

Olatz Enzunza Mallona

Euskaltzaindiak, Cafe Bar Bilbaok, Zazpi Katu gaztetxeak eta Bira kulturguneak antolatu dute egitaraua, elkarlanean, eta otsailaren 3an abiatuko da.

Antso Jakituna erregea eta Benjamin Tuterakoa bidaiaria elkarrizketan, Tuterako gazteluko ganberan. ©IÑAKET

Mundua Tuteratik zeharkatzea

Iñigo Astiz

Mikel Begoña gidoigileak eta Iñaki Martinez 'Iñaket' marrazkilariak XII. mendeko Nafarroa multikulturala irudikatu dute 'Benjamin Tuterakoaren bidaia aparta' komiki liburuxkan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.