Albistea entzun

Indonesia

Herri indigenen lurrak baliatzeko baimena ukatu diete auzitegiek palma olioa ustiatzen duten enpresei

Indonesia da palma olio esportatzaile handiena. Papua probintzian milioi bat hektarea baso lur bideratu dituzte palma olioa ekoiztera 2000. urtetik.

Palmondoak landatzeko prestatutako eremu bat Acehen, Indonesian. /
Palmondoak landatzeko prestatutako eremu bat Acehen, Indonesian. / HOTLI SIMANJUNTAK/EFE Tamaina handiagoan ikusi

Arantxa Elizegi Egilegor -

2021eko abenduak 7 11:59

Garaipen handia izan da Indonesiako Mendebaldeko Papua probintzian bizi diren herri indigenentzako. Joan den otsailean heldu zen lehen albiste ona, Sorong barrutiko buru Johny Kamuruk bertan behera utzi zituenean palma olioa ustiatzen zuten hainbat enpresei emandako baimenak, indigenek salatu ostean ez zutela onartuko enpresek euren antzinako lurrak baliatzea palmondoak landatzeko. Hala, enpresetako hiruk helegitea jarri zuten, eta gaur auzitegiek berretsi egin dute aurrez hartutako erabakia, baimenak ukatuz.

Indonesia da munduko palma olio esportatzaile handiena, eta Mendebaldeko Papuan soilik milioi bat hektarea baso lur bideratu dituzte 2000. urtetik palmondoak landatzera. Indonesiako Greenpeace erakundearen arabera, helegitea jarri duten hiru konpainiek soilik 90.031 hektarea palmondo dituzte probintzian. Joan den urrian plazaratutako txosten baten arabera, herrialdeko palmondo eremuen bosten bat baimendu gabeko eremuetan dago landatuta, besteak beste, herri indigenen lurretan, eremu babestuetan edota parke nazionaletan.

Duela bi urte, 2019an, Indonesiako presidenteak moratoria bat onartu zuen palmondo landaketa berrientzako, basoak babesteko helburuarekin. Etenaldia, ordea, irailean amaitu zen, eta gobernuak lanpostuak sortzea helburu duen beste lege bat ezarri zuen haren ordez. Horren arabera, legez kanpo palmondoak landatu dituzten konpainiek euren baimenak berritu ditzakete hiru urteko epean, eta modu horretan zigorrak saihestu. Enpresa horietako askok moi indigenen lurretan dituzte palmondoak.

Ingurumenaren aldeko ekintzaileek ohartarazi dute moratoria bertan behera uzteak arriskuan jarriko dituela baso eremuak. Gobernuaren datuen arabera, Indonesiako 47,3 milioi hektarea lirateke palmondoak landatzeko baliagarriak, eta horietatik 21 milioi hektarea basoak dira, tartean herri indigenak bizi diren inguruak. «Iaz Indonesiak 95,6 hektarea baso zituen, bere eremu osoaren %50,9 inguru. Baina palmondoak landatzeko asmoei eusten badie, lurralde osoaren heren bat soilik izango da basoa», ohartarazi du Indonesiako Basoen Behatokia gobernuz kanpoko erakundeko ikertzaile Mufti Fathul Barrik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Errusiako armadako soldaduak, joan den astean, Bielorrusiara iristen, hango indar armatuekin ariketa militarrak egiteko. ©EFE

Ukraina eta Errusia Parisen bilduko dira, tentsioa baretzeko ahaleginean

Gorka Berasategi Otamendi

Bi estatu horiek Alemaniarekin eta Frantziarekin elkartuko dira, Normandiako laukoan. Macronek «diplomaziaren baliabide guztiak» erabiltzera deitu du. Putinekin hitz egingo du aste amaieran

Ehunka herritar, Uagaduguko kaleetan, estatu kolpea eman duten militarrei babesa adierazten. ©LAMBERT OUEDRAOGO / EFE

Kaborek dimisioa eman du, militarrek atxilo hartu ostean

Mikel O. Iribar

Burkina Fasoko presidente ohia atxilotuta dago oraindik. Damiba talde militarreko liderrak hartu du agintea estatu kolpearen ondoren

Zale batzuk zauritutako lagunei lagundu nahian, bart, Jaunden. ©BERRIA

Gutxienez zortzi lagun hil dira Afrikako Kopako neurketa batera sartu nahian zebiltzala

Paulo Ostolaza

Beste 38 lagun inguru zaurituta daude. Jaunden gertatu da ezbeharra, Kamerungo selekzioaren partida baten aurretik. Norgehiagoka ezer gertatu ez balitz bezala jokatu da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.