Albistea entzun

Literatura

Katixa Agirreren 'Amek ez dute' zinemara eramango dute

Mar Coll zuzendari kataluniarrak moldatuko du liburua pantailara, eta datorren urtean hasiko dira filmatzen

Katixa Agirre idazlea
Katixa Agirre idazlea Endika Portillo/Foku Tamaina handiagoan ikusi

Iñigo Astiz -

2021eko abenduak 17

Euskaraz eman zuen argitara Amek ez dute liburua Katixa Agirrek 2018an, eta hainbat hizkuntzatara zabaldu da geroztik. Pantailara ere helduko da orain, Mar Coll zinemagileak egokituko baitu zinemarako, gaztelerazko itzulpena oinarri hartuta: Las madres no. Eta izen bera izango du filmak ere. Elastica Films-ek ekoitziko du filma, eta datorren urtean dira filmatzen hastekoak.

Euskarazko eleberriak idazten laguntzeko Zubikarai saria jaso zuen Agirreren proiektuak 2016an, eta eskolakide batek bere bi ume bikiak hil dituela jakiten duen ama eta idazle bat du protagonista. Obsesionatu egiten da gaiarekin, eta gertuko izan zuen pertsona hori puntu horretara nola heldu ote zen galdetzen dio etengabe bere buruari narratzaileak. Saiakeraren eta thrillerraren artean dabil lana, horregatik, eta epaiketa kronika baten airea ere hartzen du kontakizunak amaiera aldera.

Mar Coll zinemagileak ere behin baino gehiagotan landu ditu familia giroko tentsioak ere. Besteak beste, Tres días con la familia filma eta Matar al padre telesaila zuzendu ditu Collek orain arte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©Mailo Oiarzabal

Pasio baten fruituak

Mailo Oiarzabal - Gipuzkoako Hitza

Urteetan jasotako eta gordetako bertso grabazioak transkribatzea erabaki zuen Xabier Unanuek duela ia hogei urte. 42.000 bertso baino gehiagoko bilduma osatu, eta Zestoako liburutegiari utzi dio.

 ©GORKA RUBIO / FOKU

«Ez dakit hizkuntzak ez ote nauen ni menderatzen nik bera baino gehiago»

Itziar Ugarte Irizar

Mundu baten bukaera bizitzearen kontzientziaz eta pertsonala eta kolektiboa «harmonizatzeko» nekeaz aritu da 'Landura' lan berrian. Hamargarren poema liburua du, eta, bide horretan, komunitate bati idaztearen sentipena izan du lagun.

Bingen Zupiria sailburua eta Aizpea Otaegi Errenteriako alkatea, atzo, liburuaren egileekin. ©ANDONI CANELLADA / FOKU

Arbola sendoa musikaren ekosisteman

Naroa Torralba Rodriguez

'Musikaste 1973-2022. Euskal musikaren 50 urte' liburua eman du Eresbilek. Jaialdiak mende erdia bete duela-eta argitaratu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...