Ezezkoa jaso dute bueltan. EAEko Auzitegi Nagusiak baztertu egin du ostalariek Eusko Jaurlaritzak proposatutako neurri murriztaileen kontra jarritako helegitea. Hori hala, mugek indarren segituko dute, epaileen babesa jasota. Ostatuek 01:00ean itxi behar dituzte ateak, edukiera %60ra murriztua dute, ezin da zutik kontsumitu, eta bezero taldeak hamar lagunera mugatu behar dira. Gainera, urtarrilaren lehenean eta 6an ezin izanen dituzte establezimenduak goizeko zortziak baino lehenago zabaldu bezeroentzat.
EAEko Auzitegi Nagusiak ebazpenean azaldu duenez, izurriteak Araban, Bizkaian eta Gipuzkoan hartua duen bilakaeraren larritasunak bultzatu ditu erabakia hartzera. Diotenez, pandemiak «konpondu ezineko» kalteak ekar baititzake.