Albistea entzun

Ezker Batuak salatu du «eraso faxista bat» jasan duela Lizarran

Lizarrako (Nafarroa) egoitza erasotu dute, eta, besteak beste, «Biba Espainia» eta «Gorriak arekara» dioten mezuak idatzi dituzte, gezurrezko pistola bat uzteaz gain. Afiliatu batek, gainera, mehatxuak dituen gutun bat jaso du etxean.

Erasotzaileek Ezker Batuaren lokalean egindako pintaketetako bat.
Erasotzaileek Ezker Batuaren lokalean egindako pintaketetako bat. @AlberLajusGil_ Tamaina handiagoan ikusi

Paulo Ostolaza -

2022ko urtarrilak 2

2022. urteko lehen gauean «eraso faxista bat» jasan zuen Ezker Batuak Lizarran (Nafarroa). Alderdiak berak salatu duenez, kalte materialak eragin zizkieten eta material informatikoa lapurtu zieten, baita «diru apur bat» ere. Hortaz gain, «Biba Espainia» eta «Gorriak arekara» zioten pintaketak egin zizkieten, eta gezurrezko pistola bat utzi zuten lokalaren barruan.

Hori gutxi balitz, alderdiak salatu du «duela gutxi» afiliatu batek mehatxuak zituen gutun bat jaso zuela etxean. EBren arabera, atzoko erasoa ez da kasu bakartu bat: «Azken hilabeteetan eraso bat bestearen atzetik jasaten ari dira EBko lokalak eta ordezkariak, eta beste behin ere lerro gorria gainditu dute». Dena den, argi utzi dute eraso horiek are eta gehiago indartzen dituztela alderdikideen «konbikzio antifaxistak».

«Eraso gehiago jasaten baditugu ere mundu justuago baten alde lanean jarraituko dugu, halako miserableek lekurik ez duten mundu baten alde. Gaur, atzo bezala, oihu egiten diogu faxismoari: ez dira pasako!», idatzi dute. Biharko elkarretaratzea deitu dute, 19:00etan, Lizarrako Foruen Plazan.

Elkartasuna

Azken orduetan hainbat izan dira EBri babesa erakutsi dioten alderdiak eta eragileak. Tartean, Koldo Leoz Lizarrako alkatea (EH Bildu): «Lizarran mehatxu faxistek ez dute lekurik. Nire elkartasun osoa Ezker Batuako kamaradekin», idatzi du Twitterren.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Tomas Rubinen senideak, atzo, Bilbon, gudariaren gorpuzkiak hartu berri. ©MARISOL RAMIREZ / FOKU

Beste bost gudari identifikatu dituzte Begoñako hilerrian

Olatz Enzunza Mallona

Identifikazio xaflei esker atzeman dituzte bost gudariak. Gogora institutuak espero du 2023ko udaberrirako amaitzea identifikazio lana

LGTBI kolektiboek «saretzera» dei egin dute

J. A.

Gorroto diskurtsoaren hedapenaz eta komunikabideek kolektiboaren aurkako erasoei ematen dieten trataeraz «kezkatuta» daudela esan dute
Ikusgune behatokiak atzo kaleratu zuen txostenaren aurkezpena. ©RAUL BOGAJO / FOKU

Lau urtean hirukoiztu egin dira Ikusgunen salatutako eraso LGTBIfobikoak

Jone Arruabarrena

Eraso transfoboen gorakadaz ohartarazi du behatokiak, eta Diputatuen Kongresuan trans legea tramitatzean sortu zen «gorroto giroari» egotzi diote igoera
Irene Montero, Espainiako Berdintasun ministroa, artxiboko irudi batean. ©JAVIER LIZON / EFE

Onartu eginen dute abortuaren legea, higiene gaien zerga jaitsi gabe

Ion Orzaiz

Hileko mingarriaren ondoriozko gaixoaldia eta erditze aurreko baimena jasoko dituzte testuan. Jaurlaritzak eta EH Bilduk ontzat jo dute araua

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...