Albistea entzun

Astebetean %31 handitu da COVID-19agatik ospitaleratutakoen kopurua

Orotara, 953 gaixo daude ospitaleratuta Hego Euskal Herriko erietxeetan, daturik txarrena 2iazko otsailetik. Atzo egindako probetan beste 16.642 positibo atzeman dituzte.

Herritar batzuk probak egiteko zain Gurutzetako ospitalearen atarian
Herritar batzuk probak egiteko zain Gurutzetako ospitalearen atarian aritz loiola / foku Tamaina handiagoan ikusi

Irati Urdalleta Lete -

2022ko urtarrilak 6

Goia jotzeko itxurarik gabe jarraitzen dute koronabirusaren datuek. Positiboei dagokienez, Osakidetzak eta Osasunbideak atzo egindako probetan 16.642 herritarrek positibo eman zuten. Dezente gehiagok eman zuten positibo herenegun egindako PCR eta antigeno probetan: 17.680k. Horixe izan da orain arte pandemia osoan erregistratutako daturik txarrena. Birusaren hedapena ezin kontrolatuaren erakusgarri da positiboen ehunekoa ere: atzo egin zituzten proben %40k positibo eman zuten. Osasunaren Mundu Erakundeak %5eko muga du jarrita pandemia bat kontrolpean edukitzeko.

Birusa hain hedatuta egonda, lurralde guztietan du eragina: egun bakarrean 7.197 herritarrek eman dute positibo Bizkaian, 3.934k Gipuzkoan, 3.384k Nafarroan eta 2.005ek Araban. Gainera, Arabakoak, Bizkaikoak eta Gipuzkoakoak ez diren 122 herritarrek ere positibo eman dute Osakidetzak egindako probetan.

Eta kutsatzeak areagotu ahala, ospitaleak ere betetzen ari dira. Egun, 953 herritar daude Osakidetzako eta Osasunbideko erietxeetan, duela astebete baino 224 gehiago; hau da, astebetean %31 handitu da COVID-19ak jota ospitaleratzea behar duten gaixoen kopurua, eta bi astean %80. Horietako batzuk, gainera, larri daude ZIUetan. Hain zuzen, koronabirusa duten 143 herritar daude egoera horretan. Duela astebete baino hiru gaixo gehiago daude egoera horretan, eta duela bi aste baino hamazazpi gehiago.

Txertoaren eragina nabari bada ere, ospitaleratze datuak txarrak dira: 2021 osoan ez ziren hainbeste gaixo egon Hego Euskal Herriko erietxeetan. Hain zuzen, iazko otsailaren 1era egin behar da atzera datu okerrago bat ikusteko: 974 gaixok behar zuten ospitaleetako arta egun hartan. Egun haietan, mila positibo pasa atzematen zituzten egunero; orain, aldiz, 15.000 herritarrek baino gehiagok ematen dute positibo egunero.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostia ospitalea, artxiboko irudi batean. ©Andoni Canellada / Foku

Osakidetzaren «politika suizida» salatu dute Donostiako ESIko 30 bat zerbitzuburuk

Ion Orzaiz- Paulo Ostolaza

Gutun batean, osasun zerbitzu publikoaren zuzendaritzaren dimisioa eskatu dute, zentzugabeko kudeaketarengatik, eta «sektarismoa eta trakeskeria» leporatu diote.

 ©Guillaume Fauveau

Antton Kurutxarri. «Aski indarrik ez dugu egin beharrekoa egiteko»

Olatz Silva Rodrigo

Euskararen Erakunde Publikoak irakaskuntzara bideratzen du indarraren zati handi bat. Lehendakariaren ustez, beste arlo batzuk jorratu beharko lituzkete.

 ©ARITZ LOIOLA / FOKU

ERAGILE, EGILE ETA ORDEZKARI

Julen Aperrribai

Duela 25 urte sortu zuten Euskararen Gizarte Erakundeen Kontseilua, euskararen normalizazio prozesua bizkortzeko eta euskalgintzako erakundeak bateratzeko. Hizkuntza politiketara begirako akordio sozial zabalak, plangintzak eta proposamen zehatzak eragiteko gaitasuna izan du hasieratik. Adostasunok galgatu egin dira sarritan pauso berean: maila sozialetik maila politikora eramateko unean.
 ©ARITZ LOIOLA / FOKU

«Adostasun politikoek edukia behar dute; ez gaude argazkien garaian»

Maite Asensio Lozano

Lema uztera doala, azken urteetan egindako aurrerapausoak gogoratu ditu, baina aitortu du arazo batzuk «kronifikatzen» ari direla. Hartara, hizkuntza politika «sendoak» eskatu ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.