Albistea entzun

Astelehenean bukatuko da kultur sorkuntzari buruzko zozketa

2021eko liburuak eta diskoak bildu ditu BERRIAk webgune batean, eta hogei opari txartel zozkatuko ditu asteartean, urteko libururik eta diskorik gogokoenak aukeratu dituztenen artean.

Iazko Durangoko Azokan, liburuak ikusten.
Iazko Durangoko Azokan, liburuak ikusten. GORKA RUBIO / FOKU Tamaina handiagoan ikusi

Berria -

2022ko urtarrilak 8 15:41

Euskarazko kultur sorkuntza bildu eta ikusgarri jartzeko ahalegin bat da urteko kultur sorkuntzaren ataria. 2021ean argitaratutako liburuak eta diskoak biltzen ditu, eta Durangoko Azokaren bezperan jarri zuen BERRIAk ikusgarri. Gero ere erabilgarri egon da, kulturazaleek kontsultatu dezaten.

2021ean argitaratutako 500 liburu baino gehiagoren eta ia 200 disko edo kantu bildumaren erreferentziak dauzka webguneak momentu honetan, eta aukera ematen du bilaketak egiteko, bai generoaren arabera, bai argitaldariaren arabera.

Baina zozketa bat ere martxan da, horrekin batera. Elkar dendetan erabiltzeko hogei euroko hogei opari txartel zozkatuko dira asteartean. Parte hartzeko, nahi duenak bere gogoko sorkuntzak aukeratu behar ditu, 2021ean argitaratutako liburu eta diskoen artean gogokoen dituenak. Gutxienez disko bat edo liburu bat aukeratu liteke, eta gehienez sei (hiru liburu eta hiru disko).

Joan den ostegunerako, ia 800 BERRIAzalek aukeratuak zituzten beren gogoenak. Liburuen artean, Nerea Loiola Pikazaren Epizentroa, Linton Kwesi Johnsonen Askatasuna kontu serioa da poema antologia eta Eider Rodriguezen Eraikuntzarako materiala nobela zeuden irakurleen gogokoenen artean nagusi.

Diskoen artean, berriz, Reggaean jarrai; euskal folklore jamaikarra bilduma, Olatz Salvadorren Aho uhal eta Amak taldearen lehen lana, Amak, zeuden entzuleek aukeratutakoen artean botorik gehienekin.

Astelehenean gauerdira arte izango da denbora botoa emateko, eta astearte goizean zozketa egin, eta hogei opari txartelen irabazleak zein diren jakinaraziko du BERRIAk. Helbide honetan aukeratu litezke gogokoenak, zozketan parte hartzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Nelly Arcan idazle quebectarra (1973-2009). ©ADAM BILINSKI

Luxuaren azpietatik

Itziar Ugarte Irizar

Literatura ikasketak egin artean luxuzko 'scort' lanetan aritu zen Nelly Arcan idazlea, eta garai hartan ikusitakoak garratz aletu zituen 'Puta' bere lehen eleberrian. Euskarara ekarri berri dute.
Michael Jacksonek 24 urte zituen <em>Thriller</em> kaleratu zuenean. ©BERRIA

Pop musika irauli zuen diskoa

Mikel Lizarralde

1982an argitaratu zuen Michael Jacksonek 'Thriller', eta, 40 urte geroago, historian gehien saldutako diskoen artean segitzeaz gain, kantariaren obra nagusia da. Hainbat bitxikeriarekin berrargitaratu berri dute.
 ©NEVER FOR EVER

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.