«Ezin dugu gehiago itxaron. Osakidetzako kolapso egoerari aurre egin behar diogu, eta Eusko Jaurlaritzak neurriak hartu behar ditu», adierazi du Pilar Garrido Elkarrekin Podemos-IUko koordinatzaile nagusiak. Egoerari aurre egiteko, alderdiak sinadura bilketa bat jarri du martxan, eta horren bitartez, Eusko Jaurlaritzari eskatu dio duela hilabete batzuk kaleratu zituen 4.000 osasun langileak kontratatzeko.
Garridoren arabera, «premiazkoa» da Osakidetza indartzea, eta, horretarako, «beharrezkoa» da indar politiko eta herritar «guztiak». Kanpaina Araba, Bizkai eta Gipuzkoako zenbait udalerritan egingo da, ospitale eta osasun zentroen atarian, baita alderdiaren webgunean ere.