Furnas lakuaren inguruan gertatu da ezbeharra, Brasilgo Minas Gerais estatuan: harrizko horma bat turistaz beteriko hainbat txalupen gainera erori da, eta segurtasun indarren eta hedabideek zabaldutako datuen arabera, gutxienez hamar lagun hil eta 31 zauritu dira.
â—ï¸Â #Disasters are happening many times unexpectedly for those that suffer them. Due to #HeavyRains, the cliff became loose and created fissure as a result of massive slab collapses on boaters in #Brazil.#GlobalCrisis#furnaslake#MinasGerais#saopaulo#Minas#Brasilpic.twitter.com/znV7nibn9o
— Global Crisis (@_GlobalCrisis_) January 9, 2022
Ezbeharraren ondorioz, hainbat pertsona desagertuta egon daitezke, eta segurtasun langileak bilaketa lanetan ari dira. Aurreratu dute bilaketa lana ez dela ez erraza ezta azkarra izango, eta hainbat egun beharko dituztela horretarako.
🇧🇷#BRASIL | Otras imágenes más cerca del momento que la enorme roca cayó sobre las lanchas en el lago de #Furnas, municipio de #Capitólio, en el estado de Minas Gerais. pic.twitter.com/w5gnlTfyjg
— Rochex R. Robinson Bonilla (@RochexRB27) January 8, 2022
Inguru horretan zeuden zenbait norbanako grabatzen ari ziren ezbeharra gertatu denean. Bideoz jaso bakarrik ez, sareetan ere zabaldu dituzte irudi ikusgarriak, eta zenbait erabiltzaile saminez mintzatu da gertatutakoaren inguruan. Bada, gainera, harri handi horren irudi bat gogora ekarri eta duela hainbat urte eremu horretan ateratako argazki bati buruz hitz egin duenik.
Flavio Freitas erabiltzailearena da argazkia, eta 2012. urtean atera zuen. Facebook sare sozialean partekatu zuen, eta argazkiarekin batera, honako hau jarri zuen goiburuan: "Harri hori erori egingo da". Ikus daitekeen bezala, arrakala handi bat zuen harriak, eta hainbat erabiltzaile ezbeharra gertatu baino lehen harriaren egoera "kaskarra" ote zen edota "amiltzeko zorian" ote zegoen galdetzen hasi da.
Ikerketa bat ireki dute gertaera aztertzeko, eta adierazi dute ziurrenik segurtasun arauak berrikusiko dituztela etorkizunean berriro ere halako «tragediarik» gerta ez dadin. Halaber, azaldu dute ezbeharra gertatu baino bi ordu lehenago Defentsa Zibiletik alerta piztu zutela eurite gogorrengatik, baina ibilaldi turistikoek bere horretan jarraitu zutela.
