Albistea entzun

15 gaixo ospitaleratu dituzte Nafarroan, eta bi pertsona hil dira COVID-19ak jota

Osasunbideak dio kasu kopurua apaltzen hasia dela (2.254 positibo, bezperan baino 420 gutxiago), baina positibo tasa %43,8 da.

Erizain bat paziente bat artatzen, Nafarroako Unibertsitate Ospitaleko ZIU unitate batean.
Erizain bat paziente bat artatzen, Nafarroako Unibertsitate Ospitaleko ZIU unitate batean. JESUS DIGES / EFE Tamaina handiagoan ikusi

Ion Orzaiz -

2022ko urtarrilak 14 06:22

COVID-19aren transmisioak ez du etenik oraindik, baina seigarren olatuak goia jo duela uste dute administrazioek. Egunetik egunera apaltzen hasi dira positiboak, baina, era berean, protokolo berrien ondorioz, test gutxiago egiten eta jakinarazten dira. Hortaz, olatuaren benetako tamaina zein den asmatu ezinik segitzen dute osasun arduradunek.

Nafarroan, 2.254 positibo atzeman zituzten atzo, 5.148 proba diagnostiko egin ostean. Horrek esan nahi du positibo tasa %43,8koa dela orain. Horrez gain, Nafarroako Gobernuak jakinarazi du atzo bi pertsona hil zirela COVID-19ak jota.

Atzemandako positiboak bezperakoak baino gutxiago dira (2.674 kasu detektatu zituzten asteazkenean), baina test kopurua ere apalagoa da, asteazkenean 5.910 PCR eta antigeno test zenbatu baitziren Nafarroan, atzo baino 762 gehiago. Edonola ere, nabari da beheranzko joera baten hasiera: asteartean, 2.999 positibo atzeman zituzten eta astelehenean, berriz, 3.507.

Transmisio datuek olatuaren apaltzea marrazten badute ere, ospitaleen egoerari buruzko datuek panorama beltza erakusten dute oraindik: atzo 15 pertsona ospitaleratu behar izan zituzten Nafarroan COVID-19ak erasanda. Horietatik hiru ZIU zainketa intentsiboetako unitateetan. Oraintxe, 260 paziente daude herrialdean ospitaleratuta, eta 38 ZIUetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Anbulantzia bat, Donostian. / ©Gorka Rubio, Foku

Gaitza pasatu dutenei hirugarren dosia bost hilabeteren buruan jartzeko gomendatu die orain Espainiako Osasun Batzordeak

Berria

Espainiako Osasun Ministerioak irizpidea aldatu du: urtarrilaren hasieran, lau aste nahikoa zirela esan zuen.

Barakaldon atzo indarkeria matxistaren aurka eginiko protesta bat. ©Marisol Ramirez / Foku

71 urteko gizon bat atxilotu dute Sopelan, etxeko langile bati sexu erasoa egitea leporatuta

Berria

Gizonezkoak duela gutxi kontratatua zuen langilea; aske utzi dute, karguekin, eta emakumearengandik urruntzeko agindua ezarri diote.

Carmen Maeztu, erdian, aurreko agerraldi batean. / ©Iñigo Uriz, Foku

Maeztuk tutoretzapeko gazteen inguruko «polemika» bideratu nahi du

Iosu Alberdi

Enrique Maia Iruñeko alkatearekin bildu da Nafarroako Eskubide Sozialen kontseilaria. «Existitu beharko ez litzatekeen polemika hori» bideratzeko beharra nabarmendu du.

Haur batzuk futbolean, artxiboko irudian ©monika del valle / foku

Eusko Jaurlaritzak eskola kirola baimendu du

Irati Urdalleta Lete

Asteburu honetan, umeek eskola kiroleko lehiaketak egiteko aukera izango dute berriz ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.