Albistea entzun

Etxebizitza

Botere Judizialaren Kontseilu Nagusiak uko egin dio etxebizitza lege berria babesteari

EAJk proposatutako batzarkideak aurkeztu du aldeko txostenaren aurkako osoko zuzenketa. Espainiako Gobernuak bi astez atzeratu beharko du tramitazioa.

CGPJko hainbat kide, artxiboko irudi batean.
CGPJko hainbat kide, artxiboko irudi batean. Mariscal / EFE Tamaina handiagoan ikusi

Berria -

2022ko urtarrilak 14 18:14

CGPJ Botere Judizialaren Kontseilu Nagusiak traba bat gehiago jarri dio Espainiako Gobernuak onartu nahi duen etxebizitza lege berriari. Bilkuran, atzera bota dute Etxebizitzarako Eskubidearen Lege aurreproiektuaren inguruko txostena, eta urtarrilaren 27ra arte luzatu dute hura aztertzeko epea. Raquel Sanchez Garraio, Mugikortasun eta Hiri Agendarako ministroaren esanetan, gobernuaren asmoa zen urtarrilaren 18ko Ministro Kontseiluan onartzea lege aurreproiektua, Kongresura bidali eta tramitazioari ekiteko, baina Botere Judizialaren organo gorenaren erabakiak gutxienez otsailera arte atzeratuko du prozesua.

Alvaro Cuesta batzarkide eta PSOEko diputatu ohia arduratu da txostena CGPJren bilkuran aurkezteaz. Hark aurreproiektuaren defentsa egin du, eta, kritiketan, alokairuen prezioa erregulatzeko beharra justifikatzeko argudio gehiago eskatu besterik ez du egin. Kontrara, Enrique Lucasek, 2013an EAJk proposatutako kideak, testuaren aurkako osoko zuzenketa aurkeztu du. Haren esanetan, besteak beste, zehaztu gabe daude alokairuen prezioetan esku hartzeko erabiliko diren araudiak, eta haiek erkidegoen eskumenak urratuko ote dituzten: Lucasen arabera, Konstituzioko 148.1.3 artikuluak haien gain jartzen du afera hori arautzeko eskumena.

Lucasen zuzenketak aldeko hamabost boto jaso ditu; besteak beste, Carlos Lesmes presidentearena. Cuestaren txostena onartzearen alde, berriz, sei kidek besterik ez dute egin. Hala, Lucasek berak eta Jose Antonio Ballesterok —PPk proposatutako kidea— beste txosten bat egingo dute, Konstituzioko artikulu hori abiapuntu hartuta, eta hilabete amaieran bozkatuko du bilkurak.

Erakundearen txostena ez da loteslea, baina bai beharrezkoa testua Ministro Kontseiluan onartua izan dadin. Gainera, litekeena da kontrako txosten batek aldaketak egitera bultzatzea gobernua, helegite posibleak saihesteko.

Botere Judizialeko Kontseilu Nagusiaren erabakiaren aurrean, «ardura» adierazi du Unidas Podemosek, argudiatuta legea izaten ari den atzerapenak «justifikaezinak» direla. Izan ere, nahiz eta koalizioak ez dituen nahi adina aldaketa eragingo, Unidas Podemosen legealdiko helburu nagusietako bat da hura onartzea. Besteak beste, «merkatua tenkatuta dagoen eremuetan» alokairuen prezioak erregulatzea, etxebizitza alternatibarik gabeko familien etxegabetzeak etetea eta etxebizitza babestuen salmenta eragoztea ditu helburu. Horretarako, etxebizitzen jabeek prezioak jaisteko hobariak eta etxebizitza publikoa sustatzeko neurriak aurreikusten ditu.

Alokairuen prezioen kasuan, Espainiako Gobernuak azaldu du autonomia erkidegoek eta udalek izango dutela prezioak erregulatzeko eskumena, legeak ezartzen dituen irizpideen pean. Araba, Bizkai eta Gipuzkoari dagokienez, halako sistema bat ezartzeko konpromisoa hartu zuten Eusko Jaurlaritzak eta EH Bilduk, 2022ko aurrekontuen testuinguruan egindako akordioan. Horretarako, ordea, beharrezkoa da Kongresuak etxebizitza lege berri bat onartzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Anbulantzia bat, Donostian. / ©Gorka Rubio, Foku

Gaitza pasatu dutenei hirugarren dosia bost hilabeteren buruan jartzeko gomendatu die orain Espainiako Osasun Batzordeak

Berria

Espainiako Osasun Ministerioak irizpidea aldatu du: urtarrilaren hasieran, lau aste nahikoa zirela esan zuen.

Carmen Maeztu, erdian, aurreko agerraldi batean. / ©Iñigo Uriz, Foku

Maeztuk tutoretzapeko gazteen inguruko «polemika» bideratu nahi du

Iosu Alberdi

Enrique Maia Iruñeko alkatearekin bildu da Nafarroako Eskubide Sozialen kontseilaria. «Existitu beharko ez litzatekeen polemika hori» bideratzeko beharra nabarmendu du.

Haur batzuk futbolean, artxiboko irudian ©monika del valle / foku

Eusko Jaurlaritzak eskola kirola baimendu du

Irati Urdalleta Lete

Asteburu honetan, umeek eskola kiroleko lehiaketak egiteko aukera izango dute berriz ere.

Tabernari bat lanean. ©Aritz Loiola / Foku

Jaurlaritzak 22 milioi euroren diru laguntza emango dio ostalaritzari

Berria

Establezimendu bakoitzeko 2.000 eurotik 70.000 eurora bitarteko diru laguntzak eskainiko dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.