Albistea entzun

SORTUREN KONGRESUA

Sortuk «independentziarako konpromisoa» berretsiko du hilaren 22an

Hirugarren kongresuko itxiera batzarra eginen dute, Bilboko Bizkaia frontoian. Nazio Kontseilua eta Nazio Idazkaritza osatuko dituzten kideen izenak orduan jakinaraziko dituzte. «Aldaketa politiko eta sozialerako borroka indartu» nahi dute datozen hilabeteotan.

Sorturen bigarren kongresuko itxiera batzarreko irudi bat. 2017an egin zuten.
Sorturen bigarren kongresuko itxiera batzarreko irudi bat. 2017an egin zuten. Monika del Valle / FOKU Tamaina handiagoan ikusi

Maddi Ane Txoperena Iribarren -

2022ko urtarrilak 14 18:44

Sortuk hilaren 22an emanen dio akabera hirugarren kongresuari, itxiera batzarrarekin, eta alderdiak nahi du «indarrak batu eta independentziarako konpromisoa berresteko unea» izan dadila Bilboko Bizkaia frontoian eginen duten ekitaldia. «Askapen prozesua azkeneraino» eraman nahi dutela erakutsiko dute han: «Izan ere, Herrigaia ponentzia osatu eta eztabaidatzean, Sortuk herri hau independentziara eramango duen motorra zorrotz aztertu eta prest utzi du», adierazi du gaur alderdiak ohar baten bidez.

Kongresu bukaerako batzar horretan jakinaraziko dituzte Nazio Kontseilua eta Nazio Idazkaritza berria osatuko dituzten kideen izenak, baita Berme Batzordekoak eta Kontu Batzordekoak ere. Horiek guziak urtarrilaren 19tik 21era bozkatuko dituzte akreditaturiko militanteek, telematikoki.

Sortuk adierazi duenez, bertzalde, «komunitatea elkartu eta Herrigaia ponentzian jasotako erronka nagusiak eta hurrengo urteetarako asmoak partekatzeko unea» izanen da urtarrilaren 22koa. Jakinarazi dutenez, izan ere, kongresu prozesua bukatuta, «aldaketa politiko eta sozialerako borroka indartzea» izanen da Sorturen datozen hilabeteetako helburua: «Independentziarako indarra metatzea izango da xedea; batetik, aldaketa politiko eta soziala bilatzen duten eragileekin elkarlana eta aliantzak bilatuz; bestetik, herritarrekin batera mobilizazio eta ekimenetan aktibo izanez; eta azkenik, ezker abertzaleko kidegoa esparru ezberdinetan aktibo bilakatuz».

Gonbidatu ugari

Sortuko militanteak ez ezik, nazioarteko hainbat gonbidatu ere izanen dira kongresu bukaerako ekitaldian: Kataluniatik CUP eta ERC, Galiziatik BNG, Europatik PIEko presidentea, Irlandatik Sinn Fein, Korsikatik Corsica Libera, Uruguaitik MPP, Kolonbiatik Comunes, Saharatik Frente Polisarioa, eta Palestina eta Kurdistango ordezkariak joanen dira.

Sortuk jakinarazi duenez, bertzalde, «praktika feminista garatzeko urrats berriak egiteko erronkak» isla izanen du ekitaldian: «Duela lau urte Plan Feminista osatzeko eta martxan jartzeko konpromisoa hartu genuen. Hala egin dugu, eta norabide horretan kongresu hau baliatu nahi izan dugu urrats kualitatiboak emateko».

Ziurtatu dute Bilboko ekitaldian koronabirusaren aurkako osasun neurri guztiak beteko dituztela, «zorroztasunez».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal presoen eskubideen alde urtarrilean Bilbon egindako manifestazioa. ©Aritz Loiola / FOKU

Bertze zazpi euskal preso Euskal Herriratuko dituzte

Maddi Ane Txoperena Iribarren

Asier Garcia, Imanol Miner, Lierni Armendariz, Bittor Franco, Iñaki Reta, Gotzon Aranburu eta Xabier Zabalo dira Euskal Herrira ekarriko dituzten euskal presoak. Eusko Jaurlaritzak erabakiko du zer espetxetara lekualdatuko dituzten.

Joseba Azkarraga, Bego Atxa, Ramon Zallo eta Iñaki Lasagabaster, gaur goizean, Donostian, hausnarketa dokumentua aurkezten. ©Andoni Canellada / FOKU

Espetxe zaintzako eskumena Euskal Herriratzeko eskatu du Sarek

Maddi Ane Txoperena Iribarren

Espetxe Zaintzako Epaitegi Zentralaren jarrera salatu du euskal presoen eskubideen aldeko mugimenduak, hausnarketa txosten batean. 2003az geroztik dago Espainiako Auzitegi Nazionalaren esku.

Iruñeko Baluarte plaza. Orain, Konstituzio plaza izendatu du Navarra Sumak. ©Mgoni4

Navarra Sumak badu bere Konstituzio plaza Iruñean

Uxue Rey Gorraiz

Enrique Maia buru duen Iruñeko Udalak izena aldatu dio orain arte Baluarteko plaza zenari: Konstituzio plaza deitu dute. Plazaren izena azaltzeko plakak urratu egiten du euskararen ordenantza: gaztelania hutsean dago.

 ©ANDONI CANELLADA / FOKU

«Egunetik egunera joan behar dugu indar harremana hobetzen»

Jon O. Urain

Hirugarren kongresu prozesua amaitu du Sortuk, estrategia eta zuzendaritza gaurkotuta. Rodriguezen hitzetan, alderdiaren helburua izango da «duela 60 urte gertatu zenaren moduko herri bulkada bat sustatzea».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.