Hunga-Tonga-Hunga-Ha'apai sumendiaren erupzioak tsunami bat eragin du gaur goizaldean Tongan. Itsas azpian dago sumendia, Fonuafo'ou uhartearen hego-ekialdean, 30 kilometrora, eta 20.000 metroko altuerara jaurti ditu errautsak. Tsunami alertaren ondorioz, Tongako agintariek kostaldea husteko agindu dute. Tsunamiak hildakorik ez dago oraingoz.
The violent eruption a few hours ago of the Hunga Tonga-Hunga Haʻapai volcano captured by satellites GOES-West and Himawari-8. pic.twitter.com/PzV5v9apF6
— Wonder of Science (@wonderofscience) January 15, 2022
Tsunamiaren lehen olatuek hondartza inguruan dauden hainbat etxe harrapatu dituzte, New Zealand Times-en arabera. Palauli eta Satupaitea herrixketan ehun familia inguru ebakuatu dituzte. Sumendiaren errautsak Nuku'alofa hiriburura iritsi dira.
Stay safe everyone 🇹🇴 pic.twitter.com/OhrrxJmXAW
— Dr Faka’iloatonga Taumoefolau (@sakakimoana) January 15, 2022
Fijira ere iritsi da tsunamia, eta han ere ebakuatzeko deia emana zuten agintariek. Babesa hartzeko guneak irekitzeaz gain, airearen kalitatea neurtzeko ere eskatu dute agintariek. Ur biltegiak estaltzeko eskatu diete herritarrei, eta euri azidoa iristen bada, etxean geratzeko.
Samoa Estatubatuarrean ere eman dute tsunami alerta, baina gero bertan behera utzi dute. Zeelanda Berrian ohartarazi dute Chatham Uhartearen eta Ipar Uhartearen ipar eta ekialdeko kostaldean itsaslaster biziak eta ustekabeko olatuak daudela.
Australiak ere eman du tsunami alerta Hegoaldeko Gales Berrian, Queenslanden eta Norfolk Uhartean. Gainera, laguntza eskaini dio Tongari.
