Albistea entzun

Ezbeharra

Hil egin da Belaguan irristatu zen Aiegiko bizilaguna

Igandean gertatu zen ezbeharra, hildakoa elur erraketekin zebilela. 45 urte zituen.

Belaguako egoera, pasa den igandean.
Belaguako egoera, pasa den igandean. Foruzaingoa Tamaina handiagoan ikusi

Berria -

2022ko urtarrilak 19 09:05

Albiste txar bat gehiago utzi du mendiak asteburuan: igandean Belaguan (Nafarroa) irristatu zen gizona bart gauean hil zen, Nafarroako Ospitale Unibertsitarioan. 45 urte zituen, eta Aiegikoa (Nafarroa) zen. Elur erraketekin zebilela izotzetan irristatu zen, eta helikoptero baten laguntzaz ebakuatu behar izan zuten.

Istripua eguerdian gertatu zen, 14:20 aldera. Irristatu eta gero, aldapa batetik behera joan eta errepidera erori zen hildakoa. Hainbat kolpe zituen, Nafarroako Gobernuaren arabera. Hasieran anbulantzia bat joan zen ezbeharra gertatu zen lekura, baina aldakan arazoak zituela eta, helikopteroz ebakuatzea lehenetsi zuten. Azkenean, atzo hil zen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Miravalles-Redin ikastetxe, Iruñean. ©IÑIGO URIZ / FOKU

Nafarroak batxilergoko ituna eten die ikasleak sexuaren arabera bereizten dituzten ikastetxeei

Ion Orzaiz

Hezkuntza Departamentuaren esanetan, Opus Deiren bi eskolek, Miravalles-Redinek eta Irabia-Izagak, «ez dituzte betetzen itunerako baldintzak»

Pilar Alegria PSOEko eledun eta Hezkuntza ministroa, gaurko agerraldian. ©FERNANDO ALVARADO / Efe

Sexu askatasunaren legea aldatzeko proposamen bat aurkeztuko du PSOEk Espainiako Kongresuan

Maite Asensio Lozano

'Soilik baietz da baietz' legearen aurreko zigorrak berreskuratu nahi ditu Espainiako Justizia Ministerioak, baina Berdintasun Ministerioko iturriek zehaztu dute erreforma batek ez dituela geldiaraziko kondena berrazterketak, eta legea ondo aplikatzean dagoela giltza; horretarako, «premiazko» neurri sorta bat proposatu du. 

Haurren futbol partida bat. ©Maialen Andres / FOKU

«Arrazakeria» salatu dute Arrigorriagan jubenilen futbol partida batean gertatutakoarengatik

Edu Lartzanguren

Haur sikh bati buruko zapia kenarazi nahi izan dio epaileak, eta Federazioak 300 euroko isuna jarri dio taldeari

Donostia ospitaleko zerbitzuburuen protesta, abenduan. ©Jon Urbe / FOKU

Donostia ospitaleko zerbitzuburuek protestan segituko dute negoziazioa «bideratuta» egon arte

Julen Aperribai

Elkarretaratzea egin dute gaur ere Donostia ospitaleko atarian. Azken bileraren aktarekin batera, «kronograma» bat bidali zioten Osakidetzako zuzendaritzari, eta erantzuna jasotzeko zain daude.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.