Albistea entzun

Labi

Aste honetan bilduko da Labi, indarrean diren neurriei eutsi ala ez erabakitzeko

Nafarroak urtarriletik harago luzatuko ditu neurri murriztaileak, EITBk aurreratu duenez. Osakidetza berreskuratzen hasi da bertan behera utzitako zenbait ebakuntza.

Gotzone Sagardui Eusko Jaurlaritzako Osasun sailburua
Gotzone Sagardui Eusko Jaurlaritzako Osasun sailburua Endika Portillo/ Foku Tamaina handiagoan ikusi

Edurne Begiristain -

2022ko urtarrilak 25 12:02

Gotzone Sagardui Eusko Jaurlaritzako Osasun sailburuak gaur iragarri duenez, aste honetan da biltzekoa Labi, Araban, Bizkaian eta Gipuzkoan birusaren transmisioa eteteko asmoz indarrean diren neurrien inguruko erabakia hartzeko. Ostirala baino lehen batzartuko da Labiren aholku batzordea, orduan amaituko baita neurri murriztaile gehienak indarrean egoteko epea. Bilera noiz izango den Iñigo Urkullu lehendakariak erabakiko du. Sagarduik azaldu du batzorde zientifiko teknikoak helarazitako datuak kontuan hartuta hartuko duela lehendakariak neurriei buruzko erabakia. Ez du argitu hilaren 31z harago Jaurlaritzak COVID ziurtagiria eskatzen jarraitzeko asmorik ote duen.

Bestalde, EITBk aurreratu duenez, Nafarroako Gobernuaren asmoa da egun diren neurri murriztaileak urtarriletik harago mantentzea. Otsailaren erdira arte eutsi nahi die neurriei Maria Txibiteren gobernuak, eta, beraz, Nafarroako Justizia Auzitegiari baimena eskatuko dio urtarrilaren 31 arte indarrean den foru agindua luzatzeko. Bihar hartuko du erabaki ofiziala Nafarroako Gobernuak.

Ikusi gehiago: Eusko Jaurlaritzak eskola kirola baimendu du

Pandemiaren bilakaerari dagokionez, beheranzko joera erakusten dute datuek. Atzo, 5.412 positibo atzeman zituzten Araban, Bizkaian eta Gipuzkoan, 13.867 proba diagnostiko eginda. Erietxeetako presioan ere sumatzen hasi da arindua, baina oraindik oso handiak dira kopuruak, bai erietxeratuenak, bai hildakoenak, eta «zuhurtzia» galdegin du osasun sailburuak. Sagarduik jakinarazi duenez, 790 pertsona daude gaitzarekin erietxeratuta, horietatik 106 ZIUetan. Egoera apurka hobetzen ari denez, etenak zituzten ebakuntza batzuk egiten hasia da Osakidetza. Goizetan programatutako ebakuntza ia guztiak berreskuratu dituzte ospitale nagusietako batzuetan, eta izurritearen bilakaera gero eta hobea bada arratsaldean programatutakoak ere egiten hasiko direla jakinarazi du Sagarduik.

Nafarroan, berriz, azken orduetako datuek berresten dute kutsatzeek beheranzko joera hartu dutela: 1.836 positibo atzeman dira. Ospitaleetan egonkor dago egoera: 281 paziente daude gaitzak jota, horietatik 32 ZIUetan. Azken orduetan, lau heriotzaren berri eman du foru gobernuak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Irungo alarde parekidea, atzo. ©JON URBE / FOKU
COVID-19aren aurkako Moderna txertoa ©Idoia Zabaleta /Foku

Omikronaren aldaera berrietara egokitutako txertoek immunitatea handitu dezaketela adierazi dute

Edurne Begiristain

Koronabirus kasuen gorakada dela-eta, toki itxietan maskara janzteko gomendioa eman du Carolina Darias Espainiako Osasun ministroak.

Donostiako Udaltzaingoaren auto bat. ©JON URBE / FOKU

Donostiara bidalitako udaltzain berri ia guztiak erdaldun elebakarrak dira, LABek salatu duenez

Julen Aperribai

Sindikatuak udalari eskatu dio bere lan poltsa osatu dezala, udaltzainek bete beharreko hizkuntza eskakizunak aintzat hartuta. Egoera bera urtero errepikatzen dela ohartarazi du, baina urtetik urtera gehiago direla euskaraz ez dakiten udaltzainak.

Ertzaintzako ageneak, etxegabetzea geratzera gerturatu diren bizilagunen ondoan. ©Galdakaoko Etxebizitza Sindikatua.

Emakume bat eta haren semea etxegabetu ditu Ertzaintzak Galdakaon

Iñaut Matauko Rada

Familiak ez zuen zorrik ez bankuarekin eta ez beste inorekin, eta ez du bizitzeko beste etxerik. Bizilagun horien etxegabetzea gelditzen saiatu dira, baina ez dute lortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...