Albistea entzun

Homofobia

Frantziako Parlamentuak sexu orientazioa aldatzeko «terapiak» debekatu ditu

Frantziako Parlamentuak aho batez onartu du Frantziako Asanblearen lege proposamena. Aurrerantzean, hiru urterainoko kartzela zigorra ezarri ahalko diete praktika horiek egiten dituztenei.

Parisen eginiko protesta baten irudi bat.
Parisen eginiko protesta baten irudi bat. IAN LANGSDON Tamaina handiagoan ikusi

Nagore Arin -

2022ko urtarrilak 26

Frantziako Asanbleak iragan urrian onartu zuen sexu orientazioa aldatzeko «terapiak» debekatzeko lege proposamena, eta, hainbat hilabete pasatu ondoren, Frantziako Parlamentuak aho batez onartu du lege hori. Hala, gaurtik aurrera hiru urte arteko kartzela zigorra ezarri ahalko diete sexu orientazioa aldarazi eta heterosexualitatea inposatzeko konbertsio terapiak egiten dituztenei, eta isunen bidez ere zigortuko dituzte praktika horiek. Ondorioz, aurrerantzean jarduera horiek legez kanpokoak izango dira Ipar Euskal Herrian ere.

Emmanuel Macron Frantziako presidenteak sareetan adierazi duenez, praktika «iraingarri» horiek ez dute lekurik Frantzian, «norbera» izateak ezin baitu delitu izan. «Ez dago sendatzeko ezer», nabarmendu du. Hain justu ere, homosexualitatearen aurkako jarrera despenalizatu eta 40 urtera hartu du Frantziako Parlamentuak erabaki hori, eta Goi Ganberako kide guztiek bozkatu dute lege berriaren alde. Zehaztekoa da Frantziako Senatuan legearen inguruko eztabaida eraman zutelarik, Ipar Euskal Herriko Max Brisson (Errepublikanoak) senatariak kontra bozkatu zuela. Sud Ouest kazetan egindako elkarrizketa batean zehaztu zuen "terapiak" debekatzearen aldekoa dela, baina lege proiektuan "genero identitate" terminoa behin eta berriz agertzen zela, eta horrexegatik bozkatu zuela kontra. "Genero identitatearen kontzeptuak gizonen eta emazteen arteko alteritatea desegiten du", erran zuen orduan.

Horrenbestez, bi urte inguruko espetxe zigorra eta 30.000 euroko isuna ezarriko diete erabiltzailearen osasun fisiko edo mentala aldatzen dutenei eta horiei kalte egiten dietenei. Halaber, zigor hori hiru urte inguruko espetxealdira eta 45.000 euroko isun batera igoko da erabiltzaile hori adingabe bat edo elbarritasunen bat duen pertsona bat denean.

Praktika arriskutsuak

Homosexualen eskubideen alde egiteaz gain, pertsona baten joera sexuala edo sexu nortasuna eraldatzeko asmoz egindako jarduera arriskutsuak zigortu nahi dituzte lege honen bitartez. Hipnosia, abstinentzia edota exorzismoa dira jarduera arriskutsu horietako batzuk, eta talde erlijiosoek sustatu izan dituzte nagusiki.

Taldeko terapiak erabiltzen dituzte konbertsio formarik ohikoen gisa, eta, haietan parte hartu izan duten hainbat lagunen testigantzen arabera, depresioa eragiten dute. Batzuek beren buruaz beste egiten ere amaitzen dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ikusgunek gaur goizean egindako agerraldia. ©RAUL BOGAJO/FOKU

Lau urtean hirukoiztu egin dira Ikusgunen salatu diren gertakari LGTBIfobikoak

Jone Arruabarrena

Eraso transfoboen eta gorroto diskurtsoen gorakadaz ohartarazi du behatokiak LGTBIfobiaren Aurkako Nazioarteko Egunaren bezperan

Uribarri-Ganboako urtegia, artxiboko irudi batean. ©Jaizki Fontane / FOKU

Eraso homofobo bat salatu dute Uribarri Ganboa urtegian

Berria

Arroiabeko hondartza nudista inguruan, harri batez eraso egin diete bi homosexuali, «marikoi zikina» oihuen ondotik. Harriak bietako bati eman dio. Erasoa jasan dutenek salaketa jarri dute.

Irene Montero, Espainiako Berdintasun ministroa, artxiboko irudi batean. ©Juan Carlos Hidalgo / EFE

Hileko mingarriaren ondoriozko gaixo baimena jasoko du Espainiako abortuaren legeak

Ion Orzaiz

Irene Montero Berdintasun ministroak azaldu du, hala ere, Ogasun Ministerioak ez duela baimendu tanpoi eta konpresei BEZa murriztea

Steilasek eta ELAk Nafarroako irakasleak egonkortzea eskatu diote Hezkuntza Departamentuari

Irati Urdalleta Lete

Bi sindikatuek elkarretaratzea egin dute, egonkortzeko eskaintzen dituen lanpostu kopurua nahikoa ez dela iritzita. LABek kritikatu du lanpostuen %46

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.