Migratzaileak
Hemezortzi pertsona hil dira Kanarietara bidean
Caminando Fronteras GKEak salatu du kostazainek bazutela haien kokapenaren berri, baina berandu heldu zirela.
Gobernuz kanpoko Caminando Fronteras erakundeko kide Helena Malenok eman du ezbeharraren berri Twitter sare sozialean. Gutxienez hemezortzi pertsona hil dira goizaldean Lanzarote uhartera bidean. Antza, kostazainek bazuten ontziaren kokapenaren berri, baina berandu heldu zen laguntza. «Ez badatoz, hilda gaude; ezin dugu ordu erdi gehiago ere iraun», esan zion ontziko bidaiarietako batek erakundeari.
ð´ TRAGEDIA. Han muerto dieciocho personas frente a las costas de Lanzarote esta madrugada : "Si no vienen estamos muertos, no podremos aguantar ni media hora más". Tenían la posición de la embarcación pero los medios de rescate se activaron demasiado tarde.
— Helena Maleno Garzón (@HelenaMaleno) January 26, 2022
Ordu batzuk lehenago Malenok berak abisatu zuen 68 pertsona arriskuan zeudela Atlantikoan, Kanarietara bidean; hamalau adingabe zeuden ontzian zihoazenen artean.
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
