Albistea entzun

Galdeketa

Martxoa amaitu aurretik egin nahi dute herri galdeketa Usansolon

Galdakaoko Udalak Usansolo udalerri bilakatzearen inguruko memoria eta galdeketa egitea onartuko ditu bihar, osoko bilkuran. Bizkaiko Batzar Nagusietan amaituko da prozedura, eta hark izango du azken hitza. Prozedura uda baino lehen amai daitekeela dio udalak.

Usansolo Herri plataformako kideen agerraldia, gaur, Galdakaoko (Bizkiaia) udaletxean.
Usansolo Herri plataformako kideen agerraldia, gaur, Galdakaoko (Bizkiaia) udaletxean. Berria Tamaina handiagoan ikusi

Julen Aperribai -

2022ko urtarrilak 26

Usansolo udalerri bilakatzeko prozesua beste fase batera igaroko da bihar. Izan ere, osoko bilkura egingo dute Galdakaoko Udalean, eta batzorde mistoak —Galdakaoko Udaleko ordezkariek, Usansolo Herria plataformakoek eta Bizkaiko Foru Aldundikoek osatuak— Usansolo Galdakaotik bereizteari buruz egindako memoriari buruzko bozketa egingo dute. Halaber, herri galdeketa egitearen inguruan ere erabaki beharko du udalbatzak. Bi erebakiek gehiengo osoa behar dute aurrera egiteko, eta hala izango dutela aurreikusten du Galdakaoko Udalak.

2020ko urtarrilean Usansoloren desanexiorako bidea berrartu zuen Galdakaoko Udalak, eta udalbatzak oniritzia eman zion Usansoloko herritarrek euren egituraketa erabakitzeko prozesuari. Horren ondotik eratu zuten batzorde mistoa. Udalak azaldu duenez, batzorde horren lana izan da "Usansolo herri independente gisa osatzeak ekarriko lituzkeen ondorioei buruzko azterketa" egitea, "herri bakoitzak zer azpiegitura eta baliabide izango lituzkeen" zehaztea eta "banaketa ekonomikoki zein sozialki bideragarria litzatekeen" ikustea. Memoria batean jaso dute azterketa, eta hori da bihar bozkatuko dena. Galdakaoko Udalak aurreratu duenez, ikerketak ondorioztatu du banaketak ez lukeela «ondorio kaltegarririk» eragingo, eta antolaketa berria «bideragarria litzatekeela bi herrientzat». Memoria horrek Bizkaiko Foru Aldundiaren oniritzia ere behar zuen, eta jaso du.

Galdeketari dagokionez, martxoa amaitu aurretik egin nahi du udalak. Legediaren arabera, ez du zertan egin, eta emaitza ez da loteslea izango. Hala ere, prozedura hori lehenetsi du udalak. Agustin Aizpuru Usansolo Herriako zinegotziak gaur adierazi duenez, «gobernu taldeak eta, bereziki, Usansolo Herriak uste dute prozesua ezin dela amaitu aldez aurretik usasolotarrek izapidetutako aldaketaren aldeko edo kontrako iritzia agertu arte». Erantsi du «garrantzitsua» iruditzen zaiela herritarren «iritzia izatea eta Usansoloren borondatea markatzea».

Behin galdeketaren emaitzak izanda, Foru Aldundira igorriko ditu udalak, bihar onartzekoak diren memoriaren osagarri moduan. Hor amaituko da udalaren eginbeharra. Bizkaiko Foru Aldundiak azken onespena eman ondoren, gaia Bizkaiko Batzar Nagusietara helduko da, eta han hartuko da azken erabkia. Galdakaoko Udalak uste du uda aurretik amai daitekeela prozesu guztia. Nabarmendu duenez, modu horretan, «30 urte baino gehiagoz errepikatzen ari den eskaerari erantzuna» emango dio.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nafarroako Auzitegi Nagusia, artxiboko irudi batean. ©VILLAR LOPEZ / FOKU

Baja luzatzea ukatu diote bikotekiderik gabeko ama bati, «aitari dagokiolako»

Ion Orzaiz

Nafarroako Justizia Auzitegi Nagusiaren arabera, prestazio hori guraso biko familiek soilik baliatu dezakete, eta «besterenezina da»

Bilboko hilketen susmagarriak Katalunian ere eraso egin zuen

Berria

Bi gizonek mossoengana jo dute, hedabideetan Bilboko hilketen ustezko egilea ezagutu eta gero
Gasteizko Angel Ganivet ikastetxeko ikasgela bat, artxiboko irudian. ©JUANAN RUIZ / FOKU

Eskola ordutegiari, azterketa

Irati Urdalleta Lete

Eskoletako ordutegia eztabaidagai da hezkuntza komunitatean. Txosten bat atera berri dute abantailak aletuz, baina beste batzuek negozioa egin nahia ikusten dute atzean.
Peio Jorajuria Seaskako lehendakaria: Azterketak euskaraz

Administrazio auzitegira jo du Seaskak, Frantziako Hezkuntza Ministerioaren kontra

Ekhi Erremundegi Beloki

2019an EEPk eta hiruek izenpetu zuten hitzarmena ez betetzea leporatzen diote Frantziako estatuko administrazioari. Ikasleek baxoko azterketa batzuk euskaraz egiten ahalko zituztela adostu zuten hiru erakundeek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.