Gas ustiaketaren auziari hari mutur bat ireki zaio. Sesha enpresak helegitea jarri zuen Gasteizko Auzitegian, udalak ez ziolako baimenik eman gas ustiaketaren proiektuarekin aurrera egiteko, Hiri-Antolamenduaren Plan Orokorrarekin bat ez zetorrelako. Gainera, Espainiako Gobernuak Ingurumen legea onartu ostean, Eusko Jaurlaritzak ere atzera egin zuen, eta amaitutzat eman zuen proiektua, legeak propio debekatzen duelako hidrokarburuak ustiatzea.
Administrazioarekiko 3. auzitegiak aintzat hartu du Sesharen helegitea, eta udalari eskatu dio ustiaketa eteteko argudio eskaerak osatzeko. Halere, Eusko Jaurlaritzako iturriek berri agentziei berretsi dietenez, gas ustiaketaren aukera jada baztertua dago.
