Albistea entzun

Lurraldetasuna

«Mugaz gaindiko» lehen aurrekontuak onartu dituzte Gipuzkoako eta Pirinio Atlantikoetako ordezkariek

300.000 euroko aurrekontu bat zehaztu dute bi aldeek; 150.000 euro erakunde bakoitzak.

Markel Olano eta Jean-Jacques Lasserre akordioaren berri eman dute gaur goizean, Donostian.
Markel Olano eta Jean-Jacques Lasserre akordioaren berri eman dute gaur goizean, Donostian. Gipuzkoako Foru Aldundia Tamaina handiagoan ikusi

Unai Etxenausia -

2022ko urtarrilak 27

Gipuzkoako Foru Aldundiak eta Pirinio Atlantikoetako Departamentuko Kontseiluak lankidetza indartzea erabaki dute. Akordioaren xehetasunak azaltzeko, Markel Olano Gipuzkoako diputatu nagusiak eta Jean-Jacques Lasserre Pirinio Atlantikoetako Departamentuko presidenteak prentsaurreko bat egin dute gaur, Donostian. «Mugaz gaindiko» lehen partaidetzazko aurrekontuak jarriko dituzte abian, eta, horretarako, 300.000 euro jarriko dira guztira; 150.000 euro erakunde bakoitzak. Olano zein Lasserre pozik agertu dira akordioarekin, eta nabarmendu dute «lehen mailako lankidetzazko mugarri bat» dela. «Inklusioan eta lankidetzan oinarritutako» Europa bat eraikitzearen alde daudela azaldu dute.

Akordioak ekinbide eta proiektuen garapena bultzatzeko funts komun bat sortzean datza, herritarren eta elkarte sarearen proiektuetara bideratutako diru laguntzak emanez, eta «arreta berezia jarrita gazteengan». Herritarrek bozkatuko dute zer proiektuk jasoko duten azkenean eratutako funtsaren diru laguntza.

Aldundiak zabaldu duen oharraren arabera, proiektua Etorkizuna Eraikiz foru programaren barruan kokatzen da, ekinbide horretan sartu baitu Pirinio Atlantikoetako Departamentuko Kontseiluko agintariekiko mugaz gaindiko lankidetza, «bere internazionalizazio lerroaren barruan». Etorkizuna Eraikiz programak dituen funtsezko ezaugarri batzuk ditu: «Lankidetzazko gobernantza bultzatzea, eragile ugari inplikatzea, eta esperimentazioa sustatzea».

Bi aldeen «anbizioa»

Markel Olano Gipuzkoako diputatu nagusiaren ustez, partaidetzazko aurrekontuen lehen aldi hau «adibide ona da mugaz gaindiko lurraldeek aurre egin behar dieten desberdintasun administratiboak, prozedurazkoak eta kulturalak gainditzeko». Bi aldeen artean oraindik diferentzia handiak izan arren, «jarrera proaktibo batetik abiatuta», proiektuaren «anbizioa» zehaztea lortu da.

Jean-Jacques Lasserrek nabarmendu du «aurrekaririk ez duen esperientzia bat» bat dela. «Gonbita luzatzen diegu herritar guztiei, mugaz gaindiko lankidetza eraikitzeko. Kontua ez da erakundeok beren ordez eraikuntza hori egitea, baizik eta herritarrei beraiei ematea aukera, beren kabuz egin dezaten», esan du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bozkaleku bat 2019ko maiatzaren 26ko hauteskundeetan, Donostian. ©GORKA RUBIO / FOKU

BOTO PAPERAK, HITZAURREAN

Jon O. Urain

Udaletako, foru aldundietako eta Nafarroako Parlamentuko agintaldiak azken hilabeteetan sartuak dira, urtebete falta baita hauteskundeetarako. Oro har, alderdiak udazkenean sartuko dira bozen dinamikan, baina horien bilakaerak eta portaerak arrasto batzuk ematen dituzte bozketan jokoan egongo denaz.
<b>Maria Txibite idazkari nagusi izendatu zuten urrian, PSNren kongresuan.</b> ©IÑIGO URIZ/ FOKU

Beste behin PSNren eskuetan

Joxerra Senar

Nafarroako Gobernu barruko tirabirak, PSNren eta UPNren arteko gerturatzea zenbaterainokoa den, nola egituratuko den eskuina, gainerako alderdien urratsak... Legealdi amaierako giltzarriak aletu dituzte Ricardo Feliu NUPeko soziologoak eta Juan Kruz Lakasta Euskalerria Irratiko koordinatzaileak.

Gorka Urtaran, Gasteizko alkate izendatu berritan, Miren Etxebarriarekin (PSE-EE) batera. ©ENDIKA PORTILLO / FOKU

Abertzaleen indarrak neurtzeko plaza

Edurne Begiristain

Arabak aspaldi utzi zion PPren gotorleku izateari. Alderdi abertzaleen eragina sendotuz doa lurralde horretan, eta EAJren eta EH Bilduren artean lehia «estuagoa» espero da 2023. urterako.

Etxeraten batzarreko irudi bat. ©Aritz Loiola / Foku

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...