Albistea entzun

Neurriak otsailaren 14ra arte luzatzea baimendu du Nafarroako Auzitegi Nagusiak

Besteak beste, ostalaritzako establezimenduek aurrerantzean ere itxita egon beharko dute 01:00etik 06:00etara. Ziurtagiri digitala ere erakutsi beharko da oraindik halakoetara sartzeko.

Iruñeako bi taberna, itxita.
Iruñeako bi taberna, itxita. Jagoba Manterola / FOKU Tamaina handiagoan ikusi

Berria -

2022ko urtarrilak 28 05:59

Nafarroako Gobernuak eskatu zuena betez baimendu du Nafarroako Auzitegi Nagusiak neurri murriztaileen jarraipena. Hala, Nafarroan otsailaren 14ra arte luzatuko dituzte koronabirusaren gaitza geldiarazteko asmoz ezarritako neurri murriztaileak.

Azken asteotan bezala, ostalaritza eta gaueko aisialdirako establezimenduak itxita egongo dira 01:00etik eta 06:00etara, ezingo da barraren inguruan kontsumitu, gehienera hamar lagun elkartu ahal izango dira, eta gizarte, kultura edota kirol arloko ekitaldiek hainbat arau bete beharko dituzte, besteak beste. Ziurtagiri digitala ere erakutsi beharko da oraindik establezimenduetara sartzeko.

Maria Txibiteren gobernuak abenduko azken egunetan ezarri zituen neurriak, eta urtarrilaren 14an luzatu zituzten lehen aldiz. Bietan, Nafarroako Auzitegi Nagusiaren onespena jaso zuen Txibiteren gobernuak. Izan ere, epaileen iritziz, egoera epidemiologikoa kontuan hartuta, «beharrezkoak eta neurrikoak» ziren. Horrekin batera, Nafarroako Auzitegi Nagusiak gaineratu du gaur egungo intzidentzia tasa neurriak ezarri zirenean baino handiagoa dela.

Oraingo honetan ere, neurriei eustea «garrantzitsua» dela uste du Santos Indurain Osasun kontseilariak. «Beheranzko joera nabaritu dugu birusaren transmisioari dagokionez, baina joera hori sendotu beharra dago; bide onari eutsi. Ez dugu atzera egin nahi», azaldu zuen asteazkenean. Neurriei eustearen aldeko faktoreen artean, osasun sistemaren egoera aipatu zuen: «Ospitaleen okupazio maila hasi da pixka bat apaltzen, baina oso handia da oraindik».

Azken datuen arabera, beste 1.382 koronabirus kasu atzeman zituzten atzo, 3.300 proba diagnostiko egin ondoren. Beraz, positibotasun tasa %41,9koa da orain Nafarroan. Ospitaleen egoerari dagokionez, hamahiru pertsona ospitaleratu zituzten atzo; horietatik hiru, ZIU zainketa intentsiboetako unitateetan. Horrela, 241 dira Nafarroako erietxeetan ospitaleratuta dauden gaixoak, eta horietatik 28 ZIUetan daude.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Hasi da Euskararen aldeko manifestazioa Donostian

Berria

Paul Bilbao: «Gaurko egunaren argazkia gorde beharko dugu euskararen historian»

Biriatuko ordainlekua, artxiboko irudi batean. ©Andoni Canellada / Foku

21 urteko bi gazte hil dira errepide istripuan A-63an

Berria

Goizean gertatu da ezbeharra, Biriatuko ordainlekutik gertu.

Idoia Torregarai, Kepa Sarasola eta Jose Ramon Etxebarria, UEUko hiru belaunaldi. ©IÑIGO URIZ / FOKU

Mende erdia utopiaren xerka

Gotzon Hermosilla

UEU Udako Euskal Unibertsitateak gaur ekingo die Udako 50. Ikastaroei. Mende erdi honetan lan handia egin du goi mailako jakintza euskaraz garatzeko. Ikerkuntza da etorkizuneko ildoetako bat

 ©Endika Portillo / Foku

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...